နေရာတော်တော်များများမှာ ကျမ လူသစ်တယောက်အဖြစ် ကြုံဖူးပါတယ်။ လူသစ်တယောက်အနေနဲ့ နေရာသစ်မှာ အလုပ်သစ်မှာ အရင်ရှိနေပြီးသားလူတွေကြားမှာ အရာရာကိုလေ့လာရင်း တန်ညှိယူရတဲ့ အချိန်က အရမ်းခက်ခဲပါတယ်။ ကိုယ့်ကိုကိုယ် တခါတလေ ယုံကြည်မှုပျောက်ချင်သလိုလို၊ အဆုံးအဖြတ်ပဲမှားခဲ့ သလိုလို ၊ ထွက်ပြေးချင်သလိုလိုတွေဖြစ်ရပါတယ်။ အလုပ်အသစ် မှာ နဲနဲ အလိုက်သင့်ဖြစ်လာဖို့၊ လုပ်ဖေါ်ကိုင်ဖက်တွေရဲ့ စရိုက်ဓလေ့ကိုသိလာဖို့ ၃လလောက် အချိန်ပေးရပါတယ်။ အဲ့ဒီ ၃လအတွင်း အခက်အခဲတွေ ကိုကျော်နိုင်အောင် အားတင်းထားရပါတယ်။ ၃လကျော်ရင် တော်တော် အသားကျလာပြီး ၆လဆိုရင်တော့ ကိုယ့် ခြေကိုယ့်လက် လိုပ်နိုင်လာပြီး နေရာသစ်မှာ ပျော်လာပါတယ်။
ကိုယ်ကိုတိုင်လည်း လူသစ် မဟုတ်တော့ဘူးလေ။
အလုပ်မှာ လူသစ်တွေ ခဏခဏရောက်ကြတယ်။ ၃လ မပြည်ခင် ထွက်သွားကြပြန်ရော။
အခု ကျမ တော့ လူသစ်တွေကိုတွဲခေါ်ဖို့ ဌာန သစ်ကိုပြောင်းရမယ်။
ဆေးရုံတခုထဲဆိုတော့ ကျမအတွက် အထွေအထူးမပြောင်းလဲပါဘူး။
ကျမ အရင်က ကြုံခဲ့ ရတဲ့ လူသစ်အတွေ့အကြုံတွေနဲ့ လူသစ်တွေကို လက်တွဲခေါ်နိုင်မယ်လို့ ယုံကြည်ပါတယ်။
အလုပ်သစ်မှာ လူသစ်တိုင်းပျော်ရွှင်ကြပါစေ။
No comments:
Post a Comment