Thursday 23 February 2012

သူ့ ဓလေ့ ကိုယ့်ဓလေ့


ဒီနေ့ ကျမ Jameica ကသူငယ်ချင်းတယောက်နဲ့ နေ့ လည်စာစားဖြစ်ပါတယ်။
သူကလည်း ဂျာမန်နဲ့ အိမ်ထောင်ပြုထားသူပါ။ ကျမနဲ့ သိတာမကြာသေးပါဘူး။
တရုတ်စာသင်တဲ့ကျောင်းမှာသိကြတာပါ။
ဟိုပြောဒီပြောနဲ့ သူ ပြောပြတဲ့ (သူကြုံခဲ့တဲ့) ယဉ်ကျေးမှု ကွာပုံလေးကိုပြန်ဖေါက်
သည်ချပါတယ်။
သူ့ မှာ ညီမ ၂ယောက်ရှိတယ်။ အရင်က တနေ့ ကျရင် ဘယ်ယောင်္ကျားကို ယူသင့်
သလဲလို့ မကြာခဏ ဆွေးနွေးလေ့ရှိတယ်တဲ့။ သူတို့ က Jameica သားတော့မယူချင်ဘူး။
Jameicaသားယူရင် မနက် ၅ နာရီ ကတည်းကထပြီး မနက်စာ ( breakfast ) ပြင်ပေး
ရမှာ။ Jameica မှာ မနက်စာဆို တ၀ စားကြတာဆိုပဲ။ ငှက်ပျော်သီးနွာရမယ်၊ ကြော်ရမယ်၊
ဘာမယ်ညာမယ်ပေါ့။
တောင်အမေရိကသားလည်းမယူချင်ဘူးတဲ့။ တောင်အမေရိကတိုက်သားယူရင် မနက် ၄
နာရီကတည်းကထပြီး breakfast ပြင်ရမှာတဲ့။
ဒီတော့ညီအစ်မတွေ စဉ်းစားကြတယ်။ အမေရိကန် ကိုယူမယ်။ breakfast ကို ထွေထွေ
ထူးထူးလုပ်ပေးစရာမလိုဘူးပေါ့။

တကယ်တမ်းကျတော့ ကျမသူငယ်ချင်းက ဂျာမန် ယောင်္ကျားရတယ်။ အိမ်ထောင်ကျပြီး
နောက်နေ့  မနက်အစောကြီးထပြီး ယောင်္ကျားအတွက် breakfast ပြင်သတဲ့။ သူက မီးဖိုထဲ
မှာ တချွတ်ချွတ်နဲ့ ပြင်ဆင်နေတုန်း ယောင်္ကျားက ဘာလုပ်နေတာလဲ။ ပြန်အိပ်အုံး သူ့ အတွက်
breakfast လုပ်ဖို့ မလိုဘူးတဲ့။ နောက်တော့ကျမသူငယ်ချင်းလည်း သဘောပေါက်သွားတယ်။
ဂျာမန် ယောင်္ကျားက သူ့ breakfast ကိုသူပြင်စားပြီး။ ရုံးပိတ်ရက်တွေဆို မိန်းမအတွက်
ပါပြင်ပေးသေးတယ်ဆိုတာသိသွားတယ်။
ဒီတော့သူ့ ညီမတွေဆီ ဖုန်းဆက်ပြီး သူ မနက်စောစောထစရာမလို သလို breakfast လည်းပြင်ပေးစရာမလိုတဲ့အကြောင်း ကြွားလိုက်တယ်တဲ့။

သူပြောပြတာနားထောင်ပြီး ကျမကြုံဖူတာနဲ့ တူတော့ တော်တော်သဘောကျသွားတယ်။
တစ်နေရာ ဓလေ့ တစ်ခုပေါ့။

Monday 20 February 2012

ဘာဖြစ်လို့ မပြောင်းတာလဲ။

ဂျာမနီမှာ ကျမအမေးခံရလေ့ရှိတဲ့မေးခွန်းပါ။ မြန်မာမိတ်ဆွေတွေအပြင်ဂျာမန်
မိတ်ဆွေတွေကပါ ဒီမေးခွန်းကိုမေးလေ့ရှိပါတယ်။ အဲ့ဒီမေးခွန်း မှာ တစ်ခုက ကျမရဲ့ နံမယ်ကိုဘာလို့ မပြောင်းတာလဲ ( ကျမ အမျိုးသားရဲ့ မိသားစုနာမယ်ဘာလို့ 
မထည့်တာလဲ) နဲ့ တစ်ခုကတော့ ကျမဂျာမန်နိုင်ငံသား ဘာလို့ မပြောင်းတာလဲဆိုတဲ့
မေးခွန်းတွေပါ။

လူတိုင်းမှာသူ့ အကြောင်းနဲ့ သူရှိကြသလို၊ ကိုယ်အကြောင်းနဲ့ ကိုယ် ဆုံးဖြတ်ခွင့်ရှိကြပါတယ်။
အဲ့ဒီအတွက်လည်း တစ်ယောက်ကိုတစ်ယောက် ဝေဖန်နေဖို့ လိုမယ်မထင်ပါဘူး။

နာမယ်နဲ့ ပတ်သက်လို့ ပြောရရင် ကျမလက်ထပ်ပြီးစက ကျမနာမယ်မှာ ကိုသောမတ်စ်
မိသားစုနာမယ်မပါတော့ မြန်မာအသိတချို့ က ကျမဒီမှာလက်ထပ်ထားတာမဟုတ်ပဲ
living together အဖြစ်သာနေနေတယ်လို့ ပြောကြပါတယ်။ လက်ထပ်ထားတာဟုတ်မဟုတ် လက်ထပ်စာချုပ်တောင်တောင်းကြည့်တဲ့သူလည်းရှိပါတယ်။
တကယ်တော့သူတို့ ကဒီကစနစ်ကိုသေခြာမသိလို့ ပါ။

ဂျာမနီမှာ အမျိုးသမီးတစ်ယောက်လက်ထပ်ရင် သူ့ ယောင်္ကျားရဲ့  မိသားစု နာမယ်ကို
ပြောင်းရမယ်လို့ တရားသေ မသတ်မှတ်ထားပါဘူး။ လက်ထပ်တဲ့အခါမှာ ယောင်္ကျား၊မိန်မ
နှစ်ယောက်စလုံး က ဘယ်နာမယ်ကိုယူမယ်ဆိုတာရေးရပါတယ်။
(၁) မိမိမွေးကတည်းက ရှိလာတဲ့ မိသားစုနာမယ် ကိုဆက်ယူချင်ယူ၊
(၂) မိမိရဲ့ မိသားစု နာမယ်ကိုဖျက်ပြီး မိမိရဲ့  ဇနီး (သို့ ) ယောင်္ကျား ရဲ့ မိသားစုနာမယ်ကို
ယူချင်ယူ။
(၃) မိမိ ရဲ့ မိသားစုနာမယ်အနောက်မှာ မိမိဇနီး(သို့ ) ယောင်္ကျား ရဲ့ မိသားစုနာမယ်ကို
ထပ်ထဲ့ချင်ထဲ့ စသဖြင့် ယူလို့ ရပါတယ်။
မိန်းမဖြစ်လို့ ယောင်္ကျားရဲ့  မိသားစုနာမယ် ယူရမှာပဲ မဟုတ်ပါဘူး။ ယောင်္ကျားကလည်း
သူ့ မိန်းမရဲ့ မိသားစုနာမယ်ကိုပြောင်းယူလို့ ရပါတယ်။

အဲ့ဒီတော့ ကျမက ကျမရဲ့ နာမယ်ကိုပဲ ဆက်ယူထားပါတယ်။ ကျမနာမယ်မှာ နဂိုကတည်းက
မှ မိသားစုနာမယ်လည်းမရှိ၊ ကျမတို့  ဓလေ့မှာလည်း ယောင်္ကျားနာမယ်ပြောင်းယူတဲ့ဓလေ့
ကမရှိဆိုတော့ ကျမလည်း မြန်မာနာမယ်ကို မြန်မာနာမယ် အတိုင်းပဲဆက်ထားပါတယ်။
ကျမယောင်္ကျားကလည်းဒီအတွက်ဘာမှ မပြောသလို သူ့ အနေနဲ့ လည်း ကျမကို မြန်မာ
နာမယ်အတိုင်းပဲရှိစေချင်ပါတယ်။

ဒီနိုင်ငံမှာ မိသားစုနာမယ်ကိုမေးလေ့၊ ရေးရလေ့ရှိတာကြောင့် ကျမနာမယ်ရဲ့ နောက်ဆုံး
စာလုံးကို မိသားစုနာမယ်နေရာမှာ သုံးဖြစ်ပါတယ်။ ရင်းနှီးတဲ့သူတွေကိုတော့ ကျမမှာ မိသားစု
နာမယ် မရှိကြောင်း၊ လက်ထပ်ပြီးရင်လည်းယောင်္ကျားနာမယ်ကိုယူစရာမလိုကြောင်း ကျမတို့ နိုင်ငံရဲ့ ဓလေ့ကိုရှင်းပြလေ့ရှိပါတယ်။

အရေးကြီးတဲ့စာရွက်စာတမ်းတွေမှာတော့ ကျမနာမယ်ဟာ မိသားစုနာမယ်မရှိကြောင်း
ပြောပြီး ကျမနာမယ်ကိုပဲရေးလေ့ရှိပါတယ်။ ဒီကလူတွေကလည်း နားလည်ပါတယ်။
ဘာမှပြသနာမရှိပါဘူး။ အခုနေ ကျမ ကိုသောမတ်စ်ရဲ့ မိသားစုနာမယ်ကိုပြောင်းချင်ရင်လည်း ချက်ချင်းပြောင်းလို့ ရပါတယ်။ ဒါပေမဲ့ကျမတို့ နှစ်ယောက်စလုံးက ကျမနာမယ်ကို
မြန်မာနာမယ်အတိုင်းပဲထားချင်တာပါ။

ဒုတိယမေးခွန်းကတော့ ဂျာမန်နိုင်ငံသား ဘာလို့ မပြောင်းတာလဲဆိုတဲ့မေးခွန်းပါ။
ကျမက မြန်မာတစ်ယောက်ဖြစ်လို့ တနေ့ နေ့ မှာ မြန်မာပြည်မှာပြန်နေချင်သလို၊
မြန်မာပြည်ကိုလည်း ကျမရဲ့ တိုင်းပြည် အဖြစ်အမြဲရှိနေစေချင်ပါတယ်။
အဲ့ဒီအတွက်ကြောင့် မြန်မာ နိုင်ငံသားအဖြစ် မြန်မာ စာအုပ် (ပတ်စ်ပို့ ) ကို
အခက်အခဲတွေ ကြားက ဆက်လက်ကိုင်ထားတာပါ။ မြန်မာပြည်ပြန်ရင်တောင်
ရန်ကုန်လေဆိပ်မှာ ပြသနာအမျိုးမျိုးနဲ့ ရင်ဆိုင်ရတဲ့ဒုက္ခ၊ လေယာဉ်လိုင်းတွေက
မယုံသင်္ကာမေးခွန်းတွေမေးတဲ့ဒုက္ခ တွေကိုတော့ ကြုံနေကြဆိုတော့ ဘယ်လို
ရင်ဆိုင်ရမယ်ဆိုတာ သိနေပါပြီ။

မြန်မာစာအုပ်က ၃နှစ်တစ်ခါ သက်တမ်းတိုးရ၊ ပိုက်ဆံသွင်းရတာတွေရှိပေမဲ့
မိမိကိုယ်တိုင်က ဒီနိုင်ငံသားဖြစ်ချင်နေတော့ သည်းခံရတာပေါ့။ မနှစ်က
စာအုပ်အသစ်လဲတော့ စိတ်ပင်ပန်းမှုတွေအများကြီးနဲ့  တော်တော်လေးစောင့်
လိုက်ရတယ်။ ၄ လလောက်ကြာမှ သက်တမ်းတိုးဖို့ ခွင့်ပြုမိန့် ကျတာနဲ့ 
မြန်မာစာအုပ်ပဲဆက်ကိုင်ထားပါတယ်။

မြန်မာအစိုးရက မြန်မာနိုင်ငံသားတွေကို နိုင်ငံသား ၂ မျိုး ခံယူခွင့်မပြုပါဘူး။
ဒီတော့ဂျာမန်အစိုးရကလည်း မြန်မာနိုင်ငံသားတယောက်ကို နိုင်ငံသား ၂ မျိုး
ခံယူခွင့်မပြုပါဘူး။ ဂျာမန်စာအုပ်ရရင် မြန်မာစာအုပ်နဲ့ လဲယူရပါတယ်။
၂အုပ်ပေးမကိုင်ပါဘူး။

ဂျာမနီမှာ ဂျာမန်နိုင်ငံသားတစ်ယောက်ယောက်နဲ့ လက်ထပ်ပြီးလို့  ၃ နှစ်ကြာရင်
ဂျာမန်နိုင်ငံသားလျှောက်လို့ ရပါတယ်။ ကျမရောက်တုန်းကတော့အခုလို စာမေးပွဲတွေဘာတွေဖြေစရာမလိုပါဘူး။ အခုနောက်ပိုင်းတော့ ဂျာမန်စကား
အောင်လက်မှတ် ( B1-Prüfung Zertifikat Deutsch) ရယ် Einbürgerungstest
လို့ ခေါ်တဲ့ ဂျာမန် နိုင်ငံရေး၊လူမှုရေးသိသင့်တာတွေ ဖြေရပါတယ်။
Einbürgerungstest ကတော့ မေးခွန်း ၃၀၀လောက်ကျက်ထားပြီး မေးခွန်း ၃၃ ခု
မေးပါတယ်။ အနဲဆုံး ၁၇ ခုမှန်ရင် အောင်ပါတယ်။
ဂျာမနီမှာ အကြောင်းအမျိုးမျိုးနဲ့ နေတဲ့သူတွေကတော့ ၈နှစ်ကြာဂျာမနီမှာနေပြီးရင်
လျှောက်ခွင့်ရှိပါတယ်။

ကျမတို့ လို ၃ နှစ်ကျော်သွားပြီးဂျာမန် စာအုပ်မလျှောက်တဲ့သူတွေကိုတော့ ဂျာမနီမှာ
နေထိုင်ခွင့် ထုတ်ပေးပါတယ်။ နေထိုင်ခွင့်ပုံစံအမျိုးမျိုးရှိပါတယ်။ လက်ထပ်တားတဲ့
သူတွေကိုတော့အမြဲတမ်း နေထိုင်ခွင့် အမြင့်ဆုံးပုံစံကို ပေးပါတယ်။
အဲ့ဒီနေထိုင်ခွင့်တဲ့ ဂျာမနီမှ ဘာပြသနာမှမရှိပဲနေလို့ ရပါတယ်။ မဲမပေးရတာကလွဲရင်
ကျန်တာတွေ တန်းတူ အခွင့်အရေးရပါတယ်။ ကျမက မြန်မာနိုင်ငံစာအုပ်ဖြစ်တော့
တခြားနိုင်ငံတွေသွားရင် ဗီဇာတော့လိုတာပေါ့လေ။ အီးယူနိုင်ငံအများစုကိုတော့ ဗီဇာ
မလိုပါဘူး။ ဂျာမန် နေထိုင်ခွင်ရှိနေတော့ တခြား နိုင်ငံဗီဇာလျှောက်ရင်လည်း
အဆင်ပြေပါတယ်။

ကျမပင်စင်ယူပြီးလို့ မြန်မာပြည်မှာပြန်နေမယ်ဆိုရင်တော့ ပင်စင်လစာထဲက ၃၀ရာခိုင်
နှုန်းဖြတ်ပါမယ်။ ဂျာမနီမှာပဲနေတယ်ဆိုရင်တော့ အပြည့်ပေးပါတယ်။

ဒီလိုအခြေအနေတွေကြားမှာ ကျမကတော့မြန်မာနိုင်ငံသားအဖြစ်ပဲဆက်လက်ရှိနေပါ
တယ်။ ဂျာမန်တွေကြားမှာလည်း သူတို့ လို ချမ်းသာတဲ့နိုင်ငံမှာနိုင်ငံခြား သားတွေ ကသူတို့ နိုင်ငံသားခံချင်နေတာပါဆိုတဲ့ အပြောတွေကျမ ကြားကြားနေရတော့ ကျမဟာ အခုထိ မြန်မာနိုင်ငံသားအဖြစ်ရှိနေပါတယ်ဆိုတာ ဂုဏ်ယူပြီးပြောနေချင်ပါတယ်။

တဘက်ကလည်း ကျမကို မြန်မာနိုင်ငံသားအဖြစ် ဆက်လက်နေစေချင်လို့ 
အခက်အခဲတွေကြုံရတိုင်း အားပေး၊ကူညီ၊ဖြေရှင်းပေးတတ်တဲ့ ကိုသောမတ်စ်
ကိုလည်းကျေးဇူးတင်ပါတယ်။

Sunday 19 February 2012

မတူညီတဲ့ဆရာများ။

ကျမတို့ ကငယ်ငယ်ကတည်းက ဆရာတွေကိုရိုသေကြသလို၊
ဆရာတွေကလည်း တပည့်တွေအပေါ် စေတနာထားဆက်ဆံကြတာပါ။
တခါတလေ ကိုယ်နဲ့ ရင်းနှီးတဲ့ ဆရာမ များကိုဆိုရင် မိမိရဲ့ အိမ်ကအကြောင်းတွေ၊
ကိုယ်ရေးကိုယ်တာ ကိစ္စ အဆင်မပြေတာ၊အဆင်ပြေတာတွေကအစပြောပြ၊ရင်ဖွင့်
လေ့ရှိကြတယ်။ ဆရာဆိုရင် လူတိုင်းကလေးစားတန်ဖိုးထားကြတာပဲလေ။

ကျမ ဂျာမနီရောက်စ၊ Goethe Institut မှာ ဂျာမန်စာစသင်တုန်းက တွေ့ ကြုံရတဲ့
ဂျာမန် ဆရာတွေနဲ့ ၊ အခု တရုတ်စာသင်နေတုန်းတွေ့ ရတဲ့ဆရာတွေ ကိုနှိုင်းကြည့်
မိပါတယ်။ ဂျာမန်စာစသင်တော့ အတန်းထဲမှာ ဆရာမက အင်္ဂလိပ်လို လုံးဝမပြောပဲ
ဂျာမန်လိုပဲသင်ပါတယ်။ ဂျာမန်စကားတလုံးမှမတတ်သေးတဲ့ကျမတို အတွက်
တော်တော် အဆင်မပြေပါ။ ဘာပြောချင်တာလဲ၊ ဘာအဓိပ္ပါယ်လည်းဆိုတာ နားမလည်
တာများပါတယ်။ စာသင်နေတုန်းမှာ အဘိဓါန်လည်းကြည့်ခွင့်မရဘူး။
အိမ်ပြန်ရောက်တော့မှ သိချင်တာတွေ ပြန်မေးရတယ်။ အတန်းထဲမှာ နားမလည်ရင်
မေးလို့ ရပေမဲ့ အားလပ်ချိန်မှာ ဆရာမကိုစာမေးလို့ မရပါဘူး။ ဒါဟာသူ့ ရဲ့ အားလပ်ချိန်
ဖြစ်လို့ စာရှင်းမပြပါဘူးတဲ့။ Goethe Institut မှာတတ်နေတဲ့ကာလ ဂျာမန်စကား
ကိုကျမလုံးဝစိတ်မ၀င်စားခဲ့ပါဘူး။
နောက် အတန်းရောက်တော့ Sprachenkolleg မှာပြောင်းတတ်ဖြစ်ပါတယ်။
အဲ့ဒီမှာတော့ကျမ ဂျာမန်စကားသင်ရတာပျှော်လာပါတယ်။ သင်တဲ့ဆရာက ဂျာမန်လို
ပြောသင်နေပေမဲ့ နားလည်အောင်ရှင်းနိုင်ပြီး လိုအပ်ရင် အင်္ဂလိပ်လိုရှင်းပါတယ်။
စာသင်ခန်း အပြင်မှာလည်း သူ့ ကိုအချိန်မရွေးစာမေးလို့ ရပါတယ်။ သူကစေတနာထား
တဲ့အတွက် အဲ့ဒီတုန်းက ကျမတို့ တတန်းလုံး စာလိုက်နိုင်ကြတယ်။ ကျောင်းတက်ရတာလည်း
ပျှော်ကြတယ်။ နောက်အတန်းရောက်တော့ ဆရာမအသစ်နဲ့ ဆရာနဲ့ နှစ်ယောက်တွဲသင်တယ်။
ဆရာမက စည်းကမ်းကြီးပေမဲ့ စာရှင်းပြတာကောင်းပါတယ်။

ကျမအလုပ်အတွက်ကျောင်းတက်တော့ ဂျာမန်ဆရာတွေနဲ့ ကြုံရပြန်တယ်။
သူတို့ ဟာ ဘာသာရပ်ပိုင်းမှာ ကျွမ်းကျင်ကြပေမဲ့ ကျမတို့ နိုင်ငံက ဆရာတွေလိုတော့
စေတနာ၊အနစ်နာ သိပ်မရှိကြပါဘူး။ ကျောင်းသားတွေကလည်း ရိုသေတာ၊လေးစားတာ
မရှိကြပါဘူး။ သူ့ ဆရာနဲ့ သူ့ တပည့်တော့ဟုတ်နေတာပါပဲ။ ဆရာကစာသင်ခန်းထဲမှာ
စာသင်တယ်။ စာသင်ချိန်ကုန်ရင်သူ့ တာဝန်ပြီးပြီ။

အခုကျမတရုတ်စကားသင်နေတော့ တရုတ်ဆရာမနဲ့ တွေ့ ရပြန်ပါတယ်။ ဆရာမက
ကျမတို့ ထက်ငယ်ပေမဲ့  ကျမတို့ က သူ့ ကိုဆရာတယောက်အဖြစ်လေးစားပါတယ်။
သူက တရုတ်စာသင်တဲ့အခါမှာ ဂျာမန်လိုရှင်းပြပါတယ်။ ဒီတော့ကျမ သူပြောချင်တာ၊
ရှင်းပြတာတွေ နားလည်ပါတယ်။ တခါတလေသူရှင်းမပြတတ်ရင်တောင် လှည့်ပတ်ပြီး
ဂျာမန်လိုရှင်းရှာတယ်။ အတန်းထဲကသူတွေကလည်း သူပြောချင်၊ရှင်းချင်တာတွေ
ကြိုးစားနားလည်ပေးပါတယ်။ ဆရာမက စာသင်ကောင်းပါတယ်။
အတန်းထဲကယောက်ယောက် ကျောင်းပျက်ရင်တောင် နောက် နေ့ ကျရင် အချိန်ပို
ယူပြီးရှင်းပြပေးပါတယ်။ ဂျာမန်ဆရာ၊ဆရာမဆိုရင်တော့ဒါမျိုးလုပ်ပေးမှာမဟုတ်ပါဘူး။
ဆရာမက အိမ်စာတွေအရမ်းပေးပါတယ်။ တရုတ်စာလုံးတွေ အများကြီး အရေးကျင့်ရတယ်။
ငယ်ငယ်က သူငယ်တန်းမှာ ကကြီးခဂွေး ကျင့်ခဲ့ရသလိုပဲ။ ကျမလည်း အချိန်ပေးပြီး
စာလုပ်ပါတယ်။ ဆရာမက စာလည်းအလွန်မေးပါတယ်။ ကျမတို့ က အတန်းထဲမှာရင်းနှီး
ကြပေမဲ့ လေးစားမှုရှိသလို ၊ ဆရာမကလည်း ကျမတို့ အပေါ်မှာ စေတနာထားပါတယ်။

ဂျာမန်စကားသင်တုန်းကတော့ ကိုယ့်အားကိုယ်ကိုးပြီး လေ့လာရပေမဲ့ ၊ တရုတ်စကား
သင်တော့ ဆရာမက သူငယ်တန်းကလေးစာသင်သလို ဂရုတစိုက်ရှိပါတယ်။
အရှေ့နဲ့ အနောက်၊ ယဉ်ကျေးမှုချင်းကွာတာကြောင့်သူတို့ ရဲ့ စာသင်ပုံ၊စာသင်
နည်းတွေလည်းပြောင်းလဲတာနေမှာ။

အခုတလော ကျမတော့ တရုတ်စာကျက်ရင်း အချိန်ကုန်နေပါတယ်။ စာတွေများလာတော့
စာလုံးတွေ မေ့မေ့သွားလို့ ပြန်ပြန်ပြီးအရေးကျင့်ရပြန်ရော။ ကျမတရုတ်လိုတွေရွတ်နေလို့ 
ကိုသောမတ်စ် ကတော့ တော်တော်နားငြီးနေပုံရပါတယ်။

Saturday 11 February 2012

ကျမတို့ ရဲ့  ကျောင်း


လူတစ်ယောက်ရဲ့ ဘ၀ကိုပြန်တွေးမယ်ဆိုရင် သူ့ မိဘ၊မောင်နှမတွေ အပြင်
သူနေခဲ့တဲ့ ကျောင်းအကြောင်းကလည်းအဓိက နေရာကပါနေမှာပါ။
မနေ့ က ကိုသောမတ်စ်က သူနေခဲ့တဲ့ကျောင်း (Hebbelschule- Kiel) အနှစ်(၁၀၀)ပြည့်
အတွက်ထုတ်ဝေထားတဲ့ စာအုပ်ယူလာပါတယ်။

ကိုသောမတ်စ်ငယ်ငယ်က ဂျာမနီမြောက်ပိုင်း Kiel ဆိုတဲ့မြို့ မှာနေတာပါ။ အခုထိ
နွေရောက်ရင်တစ်နှစ်တစ်ခေါက်တော့ပြန်လေ့ရှိပါတယ်။ ဆွေမျိုးတွေမရှိတော့ပေမဲ့
သူ့ ငယ်သူငယ်ချင်းတွေနဲ့ တွေ့ ဖို့ ပါ။ ကျမကိုလည်း သူနေခဲ့တဲ့နေရာ၊ သူတက်ခဲ့တဲ့
ကျောင်း၊ သူအဖေရဲ့ ရေတပ်ဆိပ်ကမ်းစတဲ့သူ့ ဘ၀ အမှတ်တရနေရာတွေကိုလိုက်ပြ
လေ့ရှိပါတယ်။

သူငယ်ငယ်ကကျောင်းတက်ရတာမပျော်ကြောင်း၊ အထူသဖြင့် တက္ကသိုလ်ဝင်တန်းဖြေ
ရတာကို မကြိုက်ကြောင်း၊ အခုထိတက္ကသိုလ်ဝင်တန်းဖြေတဲ့အကြောင်းအိပ်မက်မက်နေ
ဆဲဖြစ်ပြီး၊ ကြောက်တဲ့အကြောင်းတွေပြောပြလေ့ရှိပါတယ်။



(စာအုပ်ထဲမှာပါတဲ့ သူတက္ကသိုလ်ဝင်တန်းအောင်တဲ့နှစ်နဲ့ သူ့ သူငယ်ချင်းများ။)

ဒါပေမဲ့ငယ်သူငယ်ချင်းတွေနဲ့ ပြန်တွေ့ ရတဲ့အခါတော့ သူအလွန်ပျော်ပါတယ်။ အခုအခါမှာ
သူငယ်ချင်းတွေက တကွဲတပြားဆီရောက်နေကြပေမဲ့ မကြာခဏပြန်တွေ့ ဖြစ်ကြပါတယ်။

မနေ့ ကတော့ သူ့ အမေသိမ်းထားပေးတဲ့ သူကျောင်းတက်တုန်းက ဆရာတွေရေးထားတဲ့
အကဲဖြစ်မှတ်တမ်းစာအုပ် ကိုကျမတို့ ပြန်ကြည့်ဖြစ်ကြပါတယ်။ သူ့ ရဲ့ ငယ်ဘ၀ စာသင်ခန်း
အတွေ့ အကြုံတွေ၊ သူ့ ဆရာတွေအကြောင်း၊ သူ့ သူငယ်ချင်းတွေအကြောင်းကျမကို
ပြန်ပြောပြရင်း သူစိတ်လှုတ်ရှားနေပါတယ်။

အကဲဖြစ်မှတ်တမ်းစာအုပ်


သူ့ ကျောင်းအကြောင်းတွေပြောတော့ကျမလည်း ကျမရဲ့ ကျောင်းအကြောင်းပြန်ပြောဖြစ်ပါတယ်။
အသက်ကြီးလာပေမဲ့ ငယ်ငယ်ကကျောင်းအကြောင်း၊သူငယ်ချင်းတွေအကြောင်းပြန်ပြော
ရရင် စိတ်ထဲပြန်ငယ်သွားသလိုပါပဲ။ အခုလို့ သူငယ်ချင်းတွေနဲ့ ဝေးနေချိန်မှာ သူတို့ ကိုသတိရမိ
ပါတယ်။ ကိုသောမတ်စ်သူငယ်ချင်းတွေက ဂျာမနီနိုင်ငံထဲမှာပဲရှိကြတော့ ပြန်တွေ့ ကြဖို့ 
လွယ်ပေမဲ့  ကျမရဲ့ သူငယ်ချင်းတွေက နိုင်ငံအနှံ့ ရောက်နေကြတော့ပြန်တွေ့ ကြဖို့  မလွယ်
တော့ပါ။
သူငယ်ချင်းတို့ ရေ... ... ဝေးနေကြပေမဲ့ သူငယ်ချင်းဟာသူငယ်ချင်းပါပဲ။
သတိရနေပါတယ်။

Tuesday 7 February 2012

ချမ်းနေပြီ။ ၂၀၁၂ ဆောင်းတွင်း အမှတ်တရ

ဒီနှစ်အစောပိုင်းလတွေက အအေးပေါ့နေလို့ ဟုတ်သလိုလိုရှိပေမဲ့ အခုတလော
အေးလိုက်တာမှ.... ဂျာမန်ဆောင်းကတော့သစ္စာရှိစွာနဲ့  ရောက်လာပြန်ပါတယ်။
အလွန်အေးပါတယ်။ မနက်အလုပ်သွားရင် (-13) လောက်ရှိတော့ ကျမအတွက်
အလွန်အေးပါတယ်။ ၀တ်ထားတဲ့ အနွေးထည်တွေကပဲ ၃ကီလိုခွဲလောက်ရှိတယ်။
မကြိုက်ပါ။ ဒီကြားထဲ အေးပါတယ်ဆိုမှ ရထားတွေနောက်ကျလို့ ဘူတာမှာစောင့်နေ
ရတာကလည်းဒုက္ခ။ တော်ပါသေးရဲ့ နေသာနေလို့ ။ လမ်းတွေခြောက်နေလို့ ၊
ဆောင်းတွင်းအမှတ်တရပုံတွေ Internet ကယူပြီးစုထားတာပါ။