အဖေ သာရှိခဲ့ရင်....

ရန်ကုန်က ရောက်လာတဲ့သတင်းတွေ၊ဓါတ်ပုံတွေကို
ကြည့်ရင်း ဒီနေ့ ကျမအဖေ့ကို အထူးသတိရနေမိတယ်။
အဖေသာ ရှိရင် ဒီနေ့ ရန်ကုန်ကသတင်းတွေကို ကြည့်ရင်း၊
နားထောင်ရင်းဘာတွေများပြောမလဲမသိဘူးနော်။

အဖေ...ကျမတို့ နိုင်ငံကို အမေရိကန်သမ္မတကြီး လာလည်တယ်။
မြန်မာပြည်ရဲ့သမ္မတကြီးနဲ့ တွေ့ တယ်။ ဒေါ်အောင်ဆန်းစုကြည်နဲ့ 
တွေ့ တယ်။ ဘွဲနှင်းသဘင်ခမ်းမထဲမှာ အမေရိကန်သမ္မတကြီးက
မိန့် ခွန်းပြောတယ်အဖေ။
နှစ်များစွာ လူတွေနဲ့ ကင်းဝေးနေတဲ့ ရန်ကုန် တက္ကသိုလ်
ကြီးလည်း ဆေးတွေသုပ်၊မီးတိုင်တွေလှပစွာနဲ့  အဓိအတိလမ်းကလည်း
ကျက်သရေရှိနေတယ်အဖေ။

အဖေ ရှိစဉ်က ဒီလို နေ့ မျိုး တနေ့ ရောက်လာမှာပါလို့ တွေးခဲ့မှာပါ။
အဖေသာ ဒီလို ဖြစ်ရပ်ကိုမြင်ရ၊ကြုံရရင် သိပ်ဝမ်းသာမှာဆိုတာကျမ အသိဆုံး
ပါ။ အဖေဖြစ်ချင်၊မြင်ချင်တာတွေ အဖေ မရှိတော့တဲ့အချိန်မှ ဖြစ်လာတယ်အဖေ။
 အဖေသိပ်ချစ်တဲ့ရန်ကုန်တက္ကသိုလ်ကြီး အတွက် အဖေ ဘယ်လောက်ဂုဏ်ယူ
လိုက်မလဲနော်။

ကျမတို့ နိုင်ငံတော်ကြီး အကောင်းဘက်ကို ဦးတည်ပြီးတိုးတက်လာပါစေလို့ 
ဆန္ဒပြုပါတယ်အဖေ။

အတွင်းနဲ့ အပြင်

လူတိုင်းပျော်ရွှင်မှု့ ကို လိုချင်ကြမှာပါ။ ဒီအထဲမှာ ကျမလည်းပါတာပေါ့။
ငယ်ငယ်ကဆို လိုချင်တာမရရင် လူကြီးတွေကို ဂျီတိုက်လေ့ရှိပါတယ်။
အမေက ကျမလိုချင်တာတွေ၊သွားချင်တဲ့နေရာတွေ၊စားချင်တာတွေ တတ်
နိုင်သလောက်ဖြည့်ပေးလေ့ရှိပါတယ်။ တခါတလေ အဆင်မပြေလို့ 
ကျမအလိုကျမဖြစ်ဘူးဆိုရင် ဂျီတိုက်တော့တာပဲ။ လိုတာရတော့
ကျေနပ်ပြီးပျော်လို့ ။

အရွယ်ရောက်လာတော့လည်း ဟိုအရာလိုချင်၊ဒီအရာဖြစ်ချင်နဲ့ 
လိုအင်ဆန္ဒတွေ များနေတာပါပဲ။ ငယ်ငယ်ကလိုဂျီတိုက်၊ပူဆာလို့ မရတော့
တစ်ယောက်ထဲ စိတ်ဆင်းရဲမှုတွေ၊ ဒေါသတွေ များလာပြန်တယ်။
ဖြစ်ချင်တာတွေကို ရအောင်ယူရတာကလည်း ပင်ပန်းသားလေ။
ဖြစ်ချင်တာ၊လိုချင်တာ တွေကလည်း တစ်ခုပြီးသွားရင် နောက်တစ်ခု
ထပ်ပြီးလိုချင်နေပြန်ရော။ ကျမက လိုချင်တာတွေရရင်ပျော်မယ်လို့ 
ထင်နေတာကို။

ဒီလိုနဲ့ ကျမလိုချင်တာတွေ၊ဖြစ်ချင်တာတွေကနေ၊ တခြားသူတွေရဲ့ လက်ခံမှု၊
အထင်ကြီးမှုတွေကိုလည်းရချင်လာပြန်တယ်။ သူ့ မှာ ဒါရှိရင် ငါလည်းရှိချင်တယ်။
ငါ့မှာဒါပဲရှိရင် သူတို့ ကဘာပြောကြမလဲ၊ ငါလိုက်မလုပ်နိုင်ရင်ရော စသဖြင့်
သူများနဲ့ မလိုအပ်တဲ့နှိုင်းယှဉ်မှုတွေလုပ်လာတယ်။ ကျမက သာရင်
မာနကအတက်သား၊

အင်းလေ ဒီအပြင်ပန်း အရာဝတ္ထုတွေက ကျမကိုစိတ်ချမ်းသာမှု ပေးနိုင်မယ်လို့ 
ထင်ခဲ့မိတာကို၊ တကယ်တော့ ဒါတွေရဖို့ အားထုတ်ရတဲ့ ကိုယ်၊စိတ် ပင်ပန်းမှု
တွေကို ကျမထဲ့ မတွက်ခဲ့ဘူး။ အပြင်ဘက်က ရုပ်ဝတ္ထုတွေကြောင့် တစ်ခဏ
ရခဲ့တဲ့ပျော်ရွှင်မှုကို ကျမက သာယာနေခဲ့တာပါ။
ကျမရဲ့ စိတ်အတွင်းမှာ တကယ်အေးချမ်းမှု ကို ရယူဖို့ ကိုတော့ ကျမ မေ့နေပါတယ်။