Das Herzenhören(နှလုံးသားကိုနားထောင်ကြည့်ခြင်း)

အခုတလောမအားတဲ့ကြားကပဲ jan-philipp sendker ရေးတဲ့ Das Herzenhören
ဆိုတဲ့ စာအုပ်လေးကိုဖတ်ဖြစ်ပါတယ်။ ဒီဇင်ဘာလက မြန်မာပြည်ကိုသွားလည်တဲ့
ဂျာမန် မိတ်ဆွေဇနီးမောင်နှံ က ကျမတို ဖတ်ဖို့ လက်ဆောင်ပေးတာပါ။
တယောက်၊တလှည့်ဖတ်ပြကြဖို့ လည်းမှာလိုက်ပါသေးတယ်။

Das Herzenhören ကို နှလုံးသားကိုနားထောင်ကြည့်ခြင်းလို့ ပဲကျမဘာသာပြန်
လိုက်ပါတယ်။ စာရေးသူက ၁၉၉၅ ကနေ ၁၉၉၉ အထိ "Stern"ဂျာနယ်ရဲ့ 
Asian correspondent အဖြစ်လုပ်ကိုင်ခဲ့ပါတယ်။

ဒီစာအုပ်လေးရဲ့  စွဲဆောင်မှုကတော့ မြန်မာနိုင်ငံ ကလောမြို့ လေးကို အခြေပြု
ထားလို့ ပါပဲ။ အချစ်ဝတ္ထုတွေဖတ်လေ့မရှိတဲ့ ကိုသောမတ်စ်တောင် ဒီစာအုပ်လေး
ကို ဆုံးတဲ့အထိဖတ်ပြီး ကောင်းတယ်လို့ မှတ်ချက်ပေးပါတယ်။

ကျမကတော့ ၂ရက်ဆက်တိုက် ဖတ်လိုက်ပါတယ်။ စာရေးသူရဲ့ တင်ပြပုံက
ကောင်းတော့ လက်က မချချင်အောင်ပါပဲ။ ဇာတ်လမ်းထဲကို မျောပါလိုက်တာ
ကျမကိုယ်တိုင် မြန်မာပြည်ပြန်ရောက်သွားသလို၊ ဇာတ်ကောင်တွေအနားရောက်
သွားသလိုပါပဲ။ ဇာတ်လမ်းပြီးတော့ ရင်ထဲမှာစွဲပြီးခံစားကျန်ရစ်ခဲ့ပါတယ်။

သိပ်ချစ်ကြတဲ့ မျက်မမြင်ကောင်လေး တင်ဝင်း နဲ့ ခြေထောက်မသန်တဲ့ ကောင်မလေး
မိမိ တို့ ရဲ့ အချစ်ဇာတ်လမ်းလေးပါ။

ဇာတ်လမ်းအစကတော့ အမေရိကာ က ဂျူလီယာဝင်းတယောက် သူမ ဖခင်
( ဦး)တင်ဝင်း ထိုင်းနိုင်ငံမှာ ပျောက်သွားရာက စပါတယ်။
ဂျူလီယာရဲ့ အမေဟာ တင်ဝင်းရဲ့ ဘ၀နောက်ကြောင်းတွေဘာမှမသိခဲ့ရပါဘူး။
သူမသိတာတစ်ခုကတော့  မြန်မာပြည်က မိမိဆိုသူရဲ့ စာလေးပါ။
မတွေ့ ရတာ၁၆ နှစ် (၅၈၆၄ ရက်) ကြာပြီ လို့ ပါတဲ့ မေတ္တာစာပါ။
ပေးပို့ သူက မိမိ ၊ ကလောမြို့  ဖြစ်ပါတယ်။

ဂျူလီယာက သူ့ အဖေဇာတိဖြစ်တဲ့ ကလောကို ရောက်လားရင်း ဦးဘ ဆိုသူနဲ့ 
တွေ့ ပါတယ်။ ဦးဘ ကသူ့ အဖေ နဲ့  မိမိ တို့ အကြောင်းတွေ ရှင်းပြပါတယ်။

မျက်မမြင် တင်ဝင်းကို သူ့ ဦးလေးက ရန်ကုန်ခေါ်ပြီး မျက်စိကုပေး၊ ကျောင်းထား
ပေးပါတယ်။ တင်ဝင်းနဲ့ မိမိတို့ နေ့ တိုင်းစာဆရးဆက်သွယ်ကြပေမဲ့ ဦးလေးကစာ
တွေကိုကြားကနေယူထားတာကြောင့် အဆက်အသွယ်ပြတ်ခဲ့ကြပါတယ်။
တနေ့ တော့ တင်ဝင်း အမေရိကားကိုပညာတော်သင် သွားရာက နေ ဟိုမှာပဲ
နိုင်ငံသားခံလိုက်ပါတယ်။ အဓိက ကတော့ သူ့ ဦးလေး ပေးစားမယ့်မိန်းမ ကို
မယူချင်လို့ ပါပဲ။ သူ့ စိတ်ကူးထဲမှာတော့ တနေ့ ဦးလေးမရှိတဲ့အချိန် ကလောကိုပြန်ပြီး
မိမိ နဲ့ ပြန်ဆုံမယ်လို့ စဉ်းစားထားပုံရပါတယ်။
ဒီကြားထဲမှာပဲ ဂျူလီယာမိခင်နဲ့ အိမ်ထောင်ကျပြီး ဦးလေးမဆုံးခင် ၃လလောက်မှာ
ဂျူလီယာရဲ့ အကိုကြီး မွေးလာကြောင့် တင်ဝင်းခမျာ ပြန်မာပြည်မပြန်နိုင်ပဲရှိခဲ့ပါတယ်။

ဦးဘက တင်ဝင်းနဲ့ မိမိတို့ ရဲ့ ငယ်ဘ၀ အကြောင်းတွေ၊ တင်ဝင်းမရှိတဲ့နောက်ပိုင်း
မိမိ ရဲ့ ဘ၀အကြောင်းတွေ ကို ဂျူလီယာအားရှင်းပြပါတယ်။ နောက်ဆုံးတော့
တင်ဝင်းဟာ နှစ်၅၀ ကွဲနေတဲ့  မိမိ ဆီကိုရောက်လာပါတယ်။
မိမိ ဟာလည်း သူ့ မရဲ့ နောက်ဆုံး အချိန် လေးမှာ နောက်ဆုံးမျှော်လင့်ချက်လေးနဲ့ 
တင်ဝင်း အလာကိုမျှော်နေပါတယ်။ တင်ဝင်းရောက်လာပြီး မိမိ နားဘေးမှာ
အတူတူအိပ်ရင်း ၂ ယောက်သားလောကကြီးက ထွက်သွားကြပါတယ်။

ှီုဦးဘ ပြတဲ့ မိမိရဲ့ ဓါတ်ပုံတွေကတဆင့် ဂျူလီယာသိလိုက်ရတာကတော့ ဦးဘ ဟာ
သူမရဲ့ ဖအေတူ မအေကွဲ မောင်နှစ်မ ဖြစ်တယ်ဆိုတာပါ။

ဒီစာအုပ်လေးမှာ မြန်မာဓလေ့တွေ အများကြီးရေးထားပါတယ်။ အချစ်ဆိုတာဘာလဲ
ဆိုတာလည်းပိုပြီးသိလာသလိုပါပဲ။ ဇာတ်ကောင်တိုင်းရဲ့ မေတ္တာ၊ အနစ်နာခံ၊စွန့် လွှတ်
မှုတွေ ကို ပီပြင်သွာရေးထားပါတယ်။

စာအုပ်ဖတ်ပြီးတဲ့နောက် ကျမတို့ နှစ်ယောက်လည်း ကျမတို့ ရဲ့ နှလုံးသားကို
အပြန်အလှန် နား ထောင်ကြည့်မိပါတယ်။