Monday 20 February 2012

ဘာဖြစ်လို့ မပြောင်းတာလဲ။

ဂျာမနီမှာ ကျမအမေးခံရလေ့ရှိတဲ့မေးခွန်းပါ။ မြန်မာမိတ်ဆွေတွေအပြင်ဂျာမန်
မိတ်ဆွေတွေကပါ ဒီမေးခွန်းကိုမေးလေ့ရှိပါတယ်။ အဲ့ဒီမေးခွန်း မှာ တစ်ခုက ကျမရဲ့ နံမယ်ကိုဘာလို့ မပြောင်းတာလဲ ( ကျမ အမျိုးသားရဲ့ မိသားစုနာမယ်ဘာလို့ 
မထည့်တာလဲ) နဲ့ တစ်ခုကတော့ ကျမဂျာမန်နိုင်ငံသား ဘာလို့ မပြောင်းတာလဲဆိုတဲ့
မေးခွန်းတွေပါ။

လူတိုင်းမှာသူ့ အကြောင်းနဲ့ သူရှိကြသလို၊ ကိုယ်အကြောင်းနဲ့ ကိုယ် ဆုံးဖြတ်ခွင့်ရှိကြပါတယ်။
အဲ့ဒီအတွက်လည်း တစ်ယောက်ကိုတစ်ယောက် ဝေဖန်နေဖို့ လိုမယ်မထင်ပါဘူး။

နာမယ်နဲ့ ပတ်သက်လို့ ပြောရရင် ကျမလက်ထပ်ပြီးစက ကျမနာမယ်မှာ ကိုသောမတ်စ်
မိသားစုနာမယ်မပါတော့ မြန်မာအသိတချို့ က ကျမဒီမှာလက်ထပ်ထားတာမဟုတ်ပဲ
living together အဖြစ်သာနေနေတယ်လို့ ပြောကြပါတယ်။ လက်ထပ်ထားတာဟုတ်မဟုတ် လက်ထပ်စာချုပ်တောင်တောင်းကြည့်တဲ့သူလည်းရှိပါတယ်။
တကယ်တော့သူတို့ ကဒီကစနစ်ကိုသေခြာမသိလို့ ပါ။

ဂျာမနီမှာ အမျိုးသမီးတစ်ယောက်လက်ထပ်ရင် သူ့ ယောင်္ကျားရဲ့  မိသားစု နာမယ်ကို
ပြောင်းရမယ်လို့ တရားသေ မသတ်မှတ်ထားပါဘူး။ လက်ထပ်တဲ့အခါမှာ ယောင်္ကျား၊မိန်မ
နှစ်ယောက်စလုံး က ဘယ်နာမယ်ကိုယူမယ်ဆိုတာရေးရပါတယ်။
(၁) မိမိမွေးကတည်းက ရှိလာတဲ့ မိသားစုနာမယ် ကိုဆက်ယူချင်ယူ၊
(၂) မိမိရဲ့ မိသားစု နာမယ်ကိုဖျက်ပြီး မိမိရဲ့  ဇနီး (သို့ ) ယောင်္ကျား ရဲ့ မိသားစုနာမယ်ကို
ယူချင်ယူ။
(၃) မိမိ ရဲ့ မိသားစုနာမယ်အနောက်မှာ မိမိဇနီး(သို့ ) ယောင်္ကျား ရဲ့ မိသားစုနာမယ်ကို
ထပ်ထဲ့ချင်ထဲ့ စသဖြင့် ယူလို့ ရပါတယ်။
မိန်းမဖြစ်လို့ ယောင်္ကျားရဲ့  မိသားစုနာမယ် ယူရမှာပဲ မဟုတ်ပါဘူး။ ယောင်္ကျားကလည်း
သူ့ မိန်းမရဲ့ မိသားစုနာမယ်ကိုပြောင်းယူလို့ ရပါတယ်။

အဲ့ဒီတော့ ကျမက ကျမရဲ့ နာမယ်ကိုပဲ ဆက်ယူထားပါတယ်။ ကျမနာမယ်မှာ နဂိုကတည်းက
မှ မိသားစုနာမယ်လည်းမရှိ၊ ကျမတို့  ဓလေ့မှာလည်း ယောင်္ကျားနာမယ်ပြောင်းယူတဲ့ဓလေ့
ကမရှိဆိုတော့ ကျမလည်း မြန်မာနာမယ်ကို မြန်မာနာမယ် အတိုင်းပဲဆက်ထားပါတယ်။
ကျမယောင်္ကျားကလည်းဒီအတွက်ဘာမှ မပြောသလို သူ့ အနေနဲ့ လည်း ကျမကို မြန်မာ
နာမယ်အတိုင်းပဲရှိစေချင်ပါတယ်။

ဒီနိုင်ငံမှာ မိသားစုနာမယ်ကိုမေးလေ့၊ ရေးရလေ့ရှိတာကြောင့် ကျမနာမယ်ရဲ့ နောက်ဆုံး
စာလုံးကို မိသားစုနာမယ်နေရာမှာ သုံးဖြစ်ပါတယ်။ ရင်းနှီးတဲ့သူတွေကိုတော့ ကျမမှာ မိသားစု
နာမယ် မရှိကြောင်း၊ လက်ထပ်ပြီးရင်လည်းယောင်္ကျားနာမယ်ကိုယူစရာမလိုကြောင်း ကျမတို့ နိုင်ငံရဲ့ ဓလေ့ကိုရှင်းပြလေ့ရှိပါတယ်။

အရေးကြီးတဲ့စာရွက်စာတမ်းတွေမှာတော့ ကျမနာမယ်ဟာ မိသားစုနာမယ်မရှိကြောင်း
ပြောပြီး ကျမနာမယ်ကိုပဲရေးလေ့ရှိပါတယ်။ ဒီကလူတွေကလည်း နားလည်ပါတယ်။
ဘာမှပြသနာမရှိပါဘူး။ အခုနေ ကျမ ကိုသောမတ်စ်ရဲ့ မိသားစုနာမယ်ကိုပြောင်းချင်ရင်လည်း ချက်ချင်းပြောင်းလို့ ရပါတယ်။ ဒါပေမဲ့ကျမတို့ နှစ်ယောက်စလုံးက ကျမနာမယ်ကို
မြန်မာနာမယ်အတိုင်းပဲထားချင်တာပါ။

ဒုတိယမေးခွန်းကတော့ ဂျာမန်နိုင်ငံသား ဘာလို့ မပြောင်းတာလဲဆိုတဲ့မေးခွန်းပါ။
ကျမက မြန်မာတစ်ယောက်ဖြစ်လို့ တနေ့ နေ့ မှာ မြန်မာပြည်မှာပြန်နေချင်သလို၊
မြန်မာပြည်ကိုလည်း ကျမရဲ့ တိုင်းပြည် အဖြစ်အမြဲရှိနေစေချင်ပါတယ်။
အဲ့ဒီအတွက်ကြောင့် မြန်မာ နိုင်ငံသားအဖြစ် မြန်မာ စာအုပ် (ပတ်စ်ပို့ ) ကို
အခက်အခဲတွေ ကြားက ဆက်လက်ကိုင်ထားတာပါ။ မြန်မာပြည်ပြန်ရင်တောင်
ရန်ကုန်လေဆိပ်မှာ ပြသနာအမျိုးမျိုးနဲ့ ရင်ဆိုင်ရတဲ့ဒုက္ခ၊ လေယာဉ်လိုင်းတွေက
မယုံသင်္ကာမေးခွန်းတွေမေးတဲ့ဒုက္ခ တွေကိုတော့ ကြုံနေကြဆိုတော့ ဘယ်လို
ရင်ဆိုင်ရမယ်ဆိုတာ သိနေပါပြီ။

မြန်မာစာအုပ်က ၃နှစ်တစ်ခါ သက်တမ်းတိုးရ၊ ပိုက်ဆံသွင်းရတာတွေရှိပေမဲ့
မိမိကိုယ်တိုင်က ဒီနိုင်ငံသားဖြစ်ချင်နေတော့ သည်းခံရတာပေါ့။ မနှစ်က
စာအုပ်အသစ်လဲတော့ စိတ်ပင်ပန်းမှုတွေအများကြီးနဲ့  တော်တော်လေးစောင့်
လိုက်ရတယ်။ ၄ လလောက်ကြာမှ သက်တမ်းတိုးဖို့ ခွင့်ပြုမိန့် ကျတာနဲ့ 
မြန်မာစာအုပ်ပဲဆက်ကိုင်ထားပါတယ်။

မြန်မာအစိုးရက မြန်မာနိုင်ငံသားတွေကို နိုင်ငံသား ၂ မျိုး ခံယူခွင့်မပြုပါဘူး။
ဒီတော့ဂျာမန်အစိုးရကလည်း မြန်မာနိုင်ငံသားတယောက်ကို နိုင်ငံသား ၂ မျိုး
ခံယူခွင့်မပြုပါဘူး။ ဂျာမန်စာအုပ်ရရင် မြန်မာစာအုပ်နဲ့ လဲယူရပါတယ်။
၂အုပ်ပေးမကိုင်ပါဘူး။

ဂျာမနီမှာ ဂျာမန်နိုင်ငံသားတစ်ယောက်ယောက်နဲ့ လက်ထပ်ပြီးလို့  ၃ နှစ်ကြာရင်
ဂျာမန်နိုင်ငံသားလျှောက်လို့ ရပါတယ်။ ကျမရောက်တုန်းကတော့အခုလို စာမေးပွဲတွေဘာတွေဖြေစရာမလိုပါဘူး။ အခုနောက်ပိုင်းတော့ ဂျာမန်စကား
အောင်လက်မှတ် ( B1-Prüfung Zertifikat Deutsch) ရယ် Einbürgerungstest
လို့ ခေါ်တဲ့ ဂျာမန် နိုင်ငံရေး၊လူမှုရေးသိသင့်တာတွေ ဖြေရပါတယ်။
Einbürgerungstest ကတော့ မေးခွန်း ၃၀၀လောက်ကျက်ထားပြီး မေးခွန်း ၃၃ ခု
မေးပါတယ်။ အနဲဆုံး ၁၇ ခုမှန်ရင် အောင်ပါတယ်။
ဂျာမနီမှာ အကြောင်းအမျိုးမျိုးနဲ့ နေတဲ့သူတွေကတော့ ၈နှစ်ကြာဂျာမနီမှာနေပြီးရင်
လျှောက်ခွင့်ရှိပါတယ်။

ကျမတို့ လို ၃ နှစ်ကျော်သွားပြီးဂျာမန် စာအုပ်မလျှောက်တဲ့သူတွေကိုတော့ ဂျာမနီမှာ
နေထိုင်ခွင့် ထုတ်ပေးပါတယ်။ နေထိုင်ခွင့်ပုံစံအမျိုးမျိုးရှိပါတယ်။ လက်ထပ်တားတဲ့
သူတွေကိုတော့အမြဲတမ်း နေထိုင်ခွင့် အမြင့်ဆုံးပုံစံကို ပေးပါတယ်။
အဲ့ဒီနေထိုင်ခွင့်တဲ့ ဂျာမနီမှ ဘာပြသနာမှမရှိပဲနေလို့ ရပါတယ်။ မဲမပေးရတာကလွဲရင်
ကျန်တာတွေ တန်းတူ အခွင့်အရေးရပါတယ်။ ကျမက မြန်မာနိုင်ငံစာအုပ်ဖြစ်တော့
တခြားနိုင်ငံတွေသွားရင် ဗီဇာတော့လိုတာပေါ့လေ။ အီးယူနိုင်ငံအများစုကိုတော့ ဗီဇာ
မလိုပါဘူး။ ဂျာမန် နေထိုင်ခွင်ရှိနေတော့ တခြား နိုင်ငံဗီဇာလျှောက်ရင်လည်း
အဆင်ပြေပါတယ်။

ကျမပင်စင်ယူပြီးလို့ မြန်မာပြည်မှာပြန်နေမယ်ဆိုရင်တော့ ပင်စင်လစာထဲက ၃၀ရာခိုင်
နှုန်းဖြတ်ပါမယ်။ ဂျာမနီမှာပဲနေတယ်ဆိုရင်တော့ အပြည့်ပေးပါတယ်။

ဒီလိုအခြေအနေတွေကြားမှာ ကျမကတော့မြန်မာနိုင်ငံသားအဖြစ်ပဲဆက်လက်ရှိနေပါ
တယ်။ ဂျာမန်တွေကြားမှာလည်း သူတို့ လို ချမ်းသာတဲ့နိုင်ငံမှာနိုင်ငံခြား သားတွေ ကသူတို့ နိုင်ငံသားခံချင်နေတာပါဆိုတဲ့ အပြောတွေကျမ ကြားကြားနေရတော့ ကျမဟာ အခုထိ မြန်မာနိုင်ငံသားအဖြစ်ရှိနေပါတယ်ဆိုတာ ဂုဏ်ယူပြီးပြောနေချင်ပါတယ်။

တဘက်ကလည်း ကျမကို မြန်မာနိုင်ငံသားအဖြစ် ဆက်လက်နေစေချင်လို့ 
အခက်အခဲတွေကြုံရတိုင်း အားပေး၊ကူညီ၊ဖြေရှင်းပေးတတ်တဲ့ ကိုသောမတ်စ်
ကိုလည်းကျေးဇူးတင်ပါတယ်။

9 comments:

ဇွန်မိုးစက် said...

နှစ်တွေဒီလောက်အကြာကြီး မြန်မာပတ်စ်ပို့ကို ကိုင်ထားတဲ့ အစ်မရှင်လေးရဲ့ စိတ်ဓာတ်ကို ဇွန် တကယ်ပဲ လေးစားပါတယ်။ ကိုယ့်အသိုင်းအ၀ိုင်းထဲမှာပဲ စင်္ကာပူနဲ့အမေရိကားနိုင်ငံသားခံယူသူ အရေအတွက်တွေ တိုးတိုးလာတာ တွေ့ရတယ်။ နောက်ပိုင်းတော့ ဆက်တိုးမလား လျော့သွားမလား ဘယ်လိုဖြစ်မလဲ မမှန်းတတ်ဘူး။ ခုထက်ထိတော့ ညီမလည်း နိုင်ငံသားစွန့်လွှတ်ဖို့ တစ်ခါမှ မစဉ်းစားမိသေးဘူး။

Anonymous said...

That's our right and culture to keep our name before and after our marriage.I always thank to our grate grate grand mothers and am proud of being a Myanmar.Keep it on and tks Ko Thomas for his encouragement,undrstanding and help to you.
Gyidaw

Anonymous said...

I am proud of u.
Iora

နေ၀သန် said...

လေးစားပါတယ် အစ်မရေ.. အစ်မစာကိုဖတ်ပြီး ရင်ထဲက နိုင်ငံချစ်စိတ်ကို လှစ်ကနဲ မြင်လိုက်ရတယ်..း)))

ခင်မင်လျက်
နေ၀သန်

မယ့်ကိုး said...

လေးစားမိပါတယ် မမ :)

Kyaw Hnin Se Lwin said...

မရေ
အားပေးပါတယ်
ဒီမှာလည်းအဲလိုပဲလေ နာမည်ပြောင်းတာအတူတူပဲ
လက်ထပ်စာချူပ်တောင်းကြည့်သူရှိတာရေးတာတွေ့တော့တအားအံ့သြတာပဲ
ထင်ချင်သလိုထင် သူများအကြောင်းတွေးဖို့အချိန်ရှိသူတွေအကြောင်း ခေါင်းထဲသိပ်မထည့်တာကောင်းတယ်
နိုင်ငံသားကတော့ပြောင်းချင်လို့ပြောင်းတဲ့သူရှိမှာမဟုတ်ပါဘူး။ လူတိုင်း ကိုယ်ကြီးပြင်းခဲ့တဲ့နိုင်ငံကိုနှစ်သက်ကြတာကိုး။ သဘောကျလိုက်တာ။

knsl

rose of sharon said...

အတူတူဘဲရှင်လေးရေး))

Mrs. Bagel said...

သူများတွေဆို နိုင်ငံသားဖြစ်ချင်နေတဲ့ အချိန်မှာ မြန်မာနိုင်ငံကို ချစ်တဲ့သူ၊မြန်မာနိုင်ငံသား အဖြစ် ဆက်လက်ရပ်တည်နေတာကို တကယ်လေးစားမိပါတယ်။ :)

Natthamee said...

အားကျမိပါတယ်