Thursday 29 September 2011

Kürbisküchlein (ရွှေဖရုံသီးပန်ကိတ်)


Heute habe ich wieder Kürbis gekocht. Das sind Kürbisküchlein.
Es ist schnell und lecker.
Dafür braucht man für 4 Personen:
200 g Mehl (ဂျုံမှုန့် )
1 TL Salz (ဆား)
3 Eier (ကြက်ဥ)
200ml Milch (နွားနို့ )
259 g Kürbisfleisch (ရွှေဖရုံသီးအသား)
1 Bund gehackte Petersilie (parsley)
30 g Butter zum Braten (ထောပတ်)

In einer Schüssel Mehl, Salz, Eier und Milch zu einem
dickflüssigen Teig rühren und dann zugedeckt mindestens 1 Stunde ruhen
lassen.

Das Kürbisfleisch grob raspeln. Mit der Petersilie unter den Teig
mischen.

In einer Pfanne die Butter erhitzen. Jeweils 2 EL Kürbisteig in
der Pfanne zu Küchlein verstreichen und auf beiden Seiten goldbraun
braten. Warm stellen bis alle Küchlein gebraten sind.

Zusammen mit gebratenem Lauch und Zucchini haben wir also
ein vollwertiges Mittagessen genossen.

Man kann das Gericht auch als kleinen Imbiss essen.

အခုတလောရွှေဖရုံသီးတွေပေါတာနဲ့  အိမ်မှာ ရွှေဖရုံသီးခဏခဏချက်ဖြစ်နေပါတယ်။
ဒီနေ့ တော့ ရွှေဖရုံသီးပန်ကိတ်လုပ်ဖြစ်ပါတယ်။ လွယ်လည်းလွယ်၊စားလို့ လည်းကောင်း
ပါတယ်။
ဂျုံ၊ကြက်ဥ၊ဆား၊နို့ တွေကိုရောပြီး ခပ်ပြစ်ပြစ် မွှေထားပြီး တစ်နာရီခန့် အဖုံးအုပ်ထားပါ။

ရွှေဖရုံသီးကို အခွံနွှာ၊ အစေ့တွေဖယ်ပြီး ခြစ်နဲ့  ခြစ်ပါ။ ပြီးရင် မွှေထားတဲ့ ဂျုံအရောထဲ
ထည့်ရောပါ။ parsley ကို နုတ်နုတ်စင်းပြီးထဲ့ပါ။ (ကျမတော့အိမ်မှာ အသင့်မရှိတာနဲ့ 
မထဲ့ထားပါဘူး)


ထောပတ်ကို ဒယ်အိုးအပြားထဲမှာ အပူပေးပါ။ ဂျုံအရောကို ထမင်းစားဇွန်း ၂ဇွန်း
ခန့် ထည့်ပြီး ၂ဘက်စလုံညိုလာတဲ့အထိလှည့်ပေးပါ။
ပြီးသွားတဲ့ ပန်ကိတ်လေးတွေကိုနွေးနေအောင်ထားပါ။ အားလုံးပြီးသွားတဲ့အခါ
ပူပူနွေးနွေးလေးစားလို့ ရတာပေါ့။

ရွှေဖရုံသီးပန်ကိတ်လေးတွေကို ကျမကတော့ အရွက်ကြော်လေးနဲ့ တွဲစားပါတယ်။
ဒီအတိုင်းစားလည်းကောင်းပါတယ်။

Sunday 25 September 2011

ပျော်ရွှင်ချမ်းမြေ့ပါစေ... ... ...

၂၅.၀၉.၂၀၁၁ ဒီနေ့ တော့ မိတ်ဆွေညီမလေးတယောက် မြန်မာပြည် ပြန်တော့မှာမို့ လို့ 
နှုတ်ဆက်ပွဲလေးလုပ်ဖြစ်ပါတယ်။ လွန်ခဲ့တဲ့ ၃ နှစ် သူ ဒီကိုလာတုန်းက ကျမနဲ့ အတူတူ
လေယာဉ်တစ်စီးထဲ။ သူက ကျမတို့ နားက မြို့ မှာနေပါတယ်။ အမြဲတမ်းမတွေ့ ဖြစ်ကြပေမဲ့
အကြောင်းရှိရင်တော့ တွေ့ ကြ၊ပြောကြ၊စားကြနဲ့ ပေါ့။ အခုလိုသူပြန်တော့မယ်ဆိုတော့
လည်း စိတ်ထဲမှာ ၀မ်းနည်းသလိုပါပဲ။ တွေ့ ၊ကြုံ၊ဆုံ၊ကွဲ .... လောကဓမ္မပါပဲလေ။
ကျမတို့ ရန်ကုန်ပြန်တော့လည်းတွေ့ ဖြစ်မှာပဲ၊ အခုလို အင်တာနက်ဆက်သွယ်ရေး
ကောင်းနေတဲ့ခေတ်မှာ ဆက်သွယ်ရတာပိုအဆင်ပြေပါတယ်လေ... ၀မ်းနည်းစိတ်ကို
ဖြေတွေးလိုက်ပါတယ်။
ညီမ.. .. .. ပျော်ရွှင်ချမ်းမြေ့သော အနာဂတ် ကိုရရှိ၊ပိုင်ဆိုင်နိုင်ပါစေလို့  ဆုတောင်းပေးပါတယ်။


ထွေထွေထူးထူး မဟုတ်ပါဘူး။ ခေါက်ဆွဲပြုပ်ပါ။

အချိုပွဲ ကတော့ မုန့် လုံးရေပေါ်

Friday 23 September 2011

ပုပ်ရဟန်းမင်းကြီးလာရောက်မယ့် Freiburg

24.09.11 -25.09.11 မှာ Freiburg ကို ပုပ်ရဟန်းမင်းကြီး လာပါမယ်။
http://www.papst-in-freiburg.de မှာတော့ ပုံတချို့ ကိုကြည့်လို့ ရပါတယ်။
ပုပ်ရဟန်းမင်းကြီး မလာခင် ၂ပတ်လောက်ကတည်းက လူတိုင်းရဲ့ စကားဝိုင်း
မှာ ဒီအကြောင်းရေပန်းစားနေပါတယ်။ လူ တစ်သိန်းကျော်လောက်လာကြမဲ့
ပွဲမှာ ဘယ်လိုစီစဉ်ကြမှာလဲ၊ ဘာတွေလုပ်ကြမှာလဲ၊ဘယ်တွေကိုသွားလဲ။
ပုပ်ရဟန်းမင်းကြီး ဘယ်မှာတည်းမှာလဲ.....။
လမ်းတွေလည်းပိတ်မယ်။ ဈေးဆိုင်တွေလည်းပိတ်မယ်။ ဘယ်နေရာတွေပိတ်မှာလဲ။
ဘယ်အချိန်အထိလဲ...စသဖြင့် မေးခွန်းတွေများစွာနဲ့  အလုပ်များနေကြပါတယ်။
ဒီအထဲမှာကျမလည်းပါတာပေါ့။ သိချင်တာကို....
လုံခြုံရေးအတွက် လုံခြုံရေးအဖွဲဝင် ၅၀၀၀ ကိုချထားမယ်တဲ့။


အရေးပေါ်ဖုန်းနံပါတ်

လမ်းပိတ်မှာမလို့ လမ်းလွှဲပြထားတာပါ။ Freiburg ကိုလာမဲ့အဝေးပြေးလည်းမကြီးကို ပိတ်ပါမယ်။



လမ်းစုံတွေမှာ ချိတ်ထားတဲ့ လုံခြုံရေး ဇုံနေရာပြပုံပါ။ အနီ၊လိမ္မော်၊ အပြာပါ။ အနီရောင် နေရာ
မှာနေသူတွေဆို ပြူတင်းပေါက်တောင်မဖွင်ရဘူးလို့ သိရပါတယ်။ အပြင်ထွက်ပြီးပြန်ဝင်ရင်
အဲ့ဒီဇုံအတွင်းမှာ နေထိုင်တဲ့ ကဒ်( နေထိုင်ကြောင်းစာရွက်)ကိုပြရပါမယ်။ စက်ဘီးတွေကား
တွေလည်းမ၀င်ရပါ။မြို့ထဲကဆိုင်များလည်းပိတ်ကြရပါတယ်။ ဘတ်စကား၊ဓါတ်ရထားများ
လည်းမထွက်ကြရပါ။




Freiburg မှာလုပ်တဲ့ ပုပ်ရဟန်းမင်းကြီး ၀တ်ပြုပွဲလုပ်မဲ့စင်ပါ။ လူ တစ်သိန်းကျော်လာမယ်လို့ 
တွက်ထားကြပါတယ်။

အမှတ်တရလက်ဆောင်ပစ္စည်းများ ကိုလည်းရောင်းကြပါတယ်။


ခဲဖျက်ပါ။

ရေခဲမုန့် ဆိုင်ကလည်း Papst Benedikt XVI. ရေခဲ့မုန့် ဝယ်လို့ ရသတဲ့။ ဒီနေရာမှာ
http://www.fr-online.de/der-papst-kommt,10846758,10885770.html
တခြားအမှတ်တရပစ္စည်းတွေ ကို ကြည့်လို့ ရပါတယ်။

အဲ့ဒီလို ပုပ်ရဟန်းမင်းကြီးလာလို့ ဝမ်းမြောက်ကြိုဆိုကြသလို သူလာတာကို ကန့် ကွက်
ကြတဲ့အဖွဲ့ တွေလည်းရှိပါသေးတယ်။ http://freiburgohnepapst.de/wp/

ကျမတော့ တီဗီက တိုက်ရိုက်ပြတာပဲကြည့်မှာပါ။ လူတွေကများတော့ သွားလည်း ဘာမှ
မြင်ရမယ်မဟုတ်ပါလား။

Tuesday 20 September 2011

Friday 16 September 2011

ဒီရောက်နေတဲ့ သူငယ်ချင်း

ဒီနေ့ ဖုန်းမြည်လို့ ကိုင်လိုက်တော့ ကြားဘူးသလိုရှိတဲ့ အသံကိုကြားလိုက်
ရပါတယ်။ နောက်တော့မှ လွန်ခဲ့တဲ့ ၃ နှစ်ကျော်ကရန်ကုန်မှာသိခဲ့ခင့်ခဲ့ရတဲ့သူ
တစ်ယောက်ဖြစ်နေပါတယ်။ သူက အခု အိမ်ထောင်ကျပြီး ဂျာမနီကိုရောက်နေ
ကြောင်းပြောတော့ ၀မ်းသာ အံသြသွားရပါတယ်။

လွန်ခဲ့တဲ့ ၃နှစ်ကျော်က သူနဲ့ ကျမ ဂျာမန်သင်တန်းမှာတွေ့ တာပါ။ အဲ့ဒီတုန်းက
ကျမက အမေ့ဆီ ၃လပြန်နေတဲ့အချိန်ပါ။ ဂျာမန်စာမေ့မှာစိုးတာရယ်၊ တစ်ခုခု
လုပ်နေချင်တာရယ်၊မိတ်ဆွေသစ်တွေရချင်တာရယ်ကြောင့် ဂျာမန်စကားပြော
သင်တန်းကို သွားတက်ခဲ့ပါတယ်။ အဲ့ဒီမှာ သူနဲ့ သိခဲ့တာပါ။သူက ကျမထက်အများ
ကြီးငယ်တာပေါ့။

သင်တန်းဆင်းရင် ကျမက ရွှေဧည့်သည် (၁) ကိုစီးပြီးမြေနီကုန်းကို
ပြန်တယ်။ တခါတလေသူလည်းပါတာပေါ့။ရွှေဘုန်းပွင့်ဘုရားကိုသွားကြတယ်။
ပုဇွန်တောင်ဈေးကိုဝင်ကြတယ်။လက်ဖက်ရည်သောက်ကြတယ်။ အဲ့ဒီတုန်းက
စုစုပေါင်း ၅ယောက်အဖွဲ့ ပါ။

ကျမ ဒီကိုပြန်လာတော့ Email တစ်ခါနှစ်ခါပို့ ဖြစ်တယ်။ ရန်ကုန်ရောက်တော့
သူနဲ့ ပြန်တွေ့ ဖြစ်သေးပါတယ်။ သူ့ အိမ်ကိုကျမသွားလည်သလို ကျမဆီလည်း
သူလာလည်တယ်။ သူလက်ဆောင်ပေးထားတဲ့ မြန်မာလုံချည်အပြာလေးတောင်
အိမ်မှာရှိနေသေးတယ်။

ဒီတခါပြန်တော့ သူ တို့ လမ်းထိပ်ကိုရောက်ပြီးမ၀င်ခဲ့ရဘူး။ စိတ်ထဲမှာတော့သတိ
ရနေတယ်။ အခုသူဒီကိုရောက်နေတယ်ဆိုတော့ ကျမအတွက် သူငယ်ချင်း
တစ်ယောက်တိုးတာပေါ့။ ကျမတကယ်ပဲပျော်နေပါတယ်။ သူနဲ့ နေတဲ့နေရာချင်း
မနီးပေမဲ့ တနေ့ တော့ ကျမတို့ တွေ့ ဖြစ်ကြမှာပါ။ စကားတွေအများကြီးပြော၊
အစားတွေအများကြီးစားရင်း.... .... ....

သူငယ်ချင်း အစစအဆင်ပြေ၊ပျော်ရွှင်ချမ်းမြေ့ပါစေ.....

Wednesday 14 September 2011

မြန်မာ့ယဉ်ကျေးမှုဆိုပဲ

ရန်ကုန်မှာရှိနေချိန်အများစုကကြည်နူးစရာအချိန်တွေပါ။ ဒါအပြင် စိတ်
ကသိကအောက် ဖြစ်ရတဲ့ အချိန်တွေလည်းရှိခဲ့တာပေါ့။
အထူးသဖြင့် အိမ်နီးချင်း
ကြောင့်ဖြစ်ရတဲ့ ဒုက္ခပါ။ ကျမတို့ တိုက်က ရုံးခန်းတွေ
ရော၊ အိမ်ခန်းတွေပါရောနေတယ်။
ကျမတို့ အရှေ့အခန်းက ကုမ္ပဏီရုံးခန်းပါ။ သူတို့ က တ
ံခါးကို အမြဲဖွင့်ထားပြီး
ဝန်ထမ်းတွေ စကားစုပြောကြတာတော်တော်ဆူညံပါတယ်။ ကျမတို့ အခန်းက
သူတို့ ရဲ့စကားသံတွေ၊ရီသံတွေ၊ သီချင်းဆိုသံ၊အော်သ
ံ၊သီချင်းဖွင့်သံ၊ ဖုန်းပြောသံ
တွေကို အကုန်လုံးကိုကြားနေရပါတယ်။ အစပိုင်းတော့ တိုးတိုးပြောကြဖို့ 
ကိုသေ
ာမတ်စ်ကသွားပြောပါတယ်။
၃ရက်လောက်ပြောလည်း မထူးပါဘူး။ ပြောမြဲပြော၊ရီမြဲရီ နေတာပါပဲ။ သူ့ အလုပ်ရှင်
ရှိနေချိန်လောက်ပဲနဲနဲငြိမ်ပါတယ်။


၎ ရက်မြောက်တဲ့နေ့ မှာတော့ သူတို့ ရဲ့ တံခါးကိုပိတ်ဖို့ သွားပြောပါတယ်။ကိုသောမတ်စ်
ပြောတာကိုလည်းနားလည်ပုံမရလို့ သူက တံခါးပိတ်ဖို့ လက်ကိုင်ကိုဆွဲပိတ်ပြပါတယ်။
အဲ့ဒီအချိန်မှာကျမကလည်းအပြင်ရောက်နေပါတယ်။ ကျမပြန်လာတော့ ကိုသောမတ်
အပြင်သွားပါတယ်။ အဲဒီအချိန်မှာ အိမ်ရှေ့ခန်းက အလုပ်ရှင်ရဲ့ အဖေဆိုတဲ့  အသက်
၆၀ ကျော်ခန့်  လူကြီးတံခါးလာခေါက်ပြီ မင်းယောင်္ကျားကိုရဲတိုင်မယ်ဆိုပဲ။
သူ့ အိမ်တံခါးကို လာပိတ်လို့  ပိုင်နက်ကျူးလွန်မှုနဲ့ ရဲတိုင်မယ်ဆိုပဲ။

ကျမက ကျမယောင်္ကျားမရှိကြောင်း၊ပြန်လာရင်သူနဲ့ ပြောရန်ပြောပါတယ်။ မရပါ။
နိုင်ငံခြားသားက လာအနိုင်ကျင့်တာလုံးဝမခံ နိုင်ဘူးဆိုပြီးနိုင်ငံခြားသားမုန်းတီရေး
စပါတယ်။။ ကျမက ဦးလေးတို့ အခန်းကအလွန်ဆူတာကြောင့်သူလာပိတ်ခိုင်းတာနေ
မှာပါ။ တံခါးပိတ်ထားတော့ကျမတို့ နားဆူတာနဲနဲသက်သာတာပေါ့လို့ ပြောမိတယ်။
လူကြီးက ဒါသူ ပိုင်တဲ့အခန်း သူဘာလုပ်လုပ်အော်အော်ဆူဆူ နားငြီးရင် ကိုယ့်အခန်းကို
အင်္ဂျင်နီယာခေါ်ပြီး အသံလုံအောင်လုပ်ဆိုပဲ။ ဒီမှာလာပြီးဗိုလ်ကျလို့ မရဘူးဆိုပဲ။

သူတို့ က မြန်မာ့ယဉ်ကျေးမှု အတိုင်းဆူဆူလောင်လောင်ပဲ နေတယ်တဲ့။ သူတို့ 
စင်္ကာပူသွားလည်း မြန်မာ့ဓလေ့အတိုင်းဆူဆူလောင်လောင်ပဲနေသတဲ့။ အနောက်နိုင်ငံ
မှာသူတို့ အခန်းလိုဆူနေရင်ရဲကိုဖုန်းဆက်တိုင်ပြီးလောက်ပြီတဲ့။(ဒါတော့သိသားပဲ)
ငါးစိမ်းတမ်းလာပြီးငါးညှီနံ့ နံတာကိုလာမပြောနဲ့ ဆိုပဲ။ ကျမက ဦးလေးဘာတွေလာပြော
နေတာလဲ။ ကျမ ဦးလေးနဲ့ ရန်ဖြစ်ရမဲ့သူမဟုတ်ပါဘူးလို့ ပြောလည်းမရ။ ဒေါသတွေနဲ့ 
မဆိုင်တာတွေပြော။ ကျမက ဦးလေးတို့ ဆူညံမှုက တဖက်လူကိုအနှောက်အယှက်ဖြစ်စေ
ပါတယ်။ မြန်မာယဉ်ကျေးမှုမှာ မိမိကြောင့်သူတပါးအနှောက်အယှက်မဖြစ်စေအောင်နေရ
မယ်လိုဆိုထားတာပဲ။

ပြောနေဆိုနေတုန်း ကိုသောမတ်စ်ရောက်လာပါတယ်။ ကျမက အကျိုးအကြောင်းရှင်းပြပါတယ်။
သူက ဟုတ်တယ်။သူပြောတာကို ခင်များဝန်ထမ်းတွေနားလည်ပုံမရတာနဲ့  တံခါးပိတ်ပြတာလို့ 
ပြောပြီးခင်များအလုပ်ကတံခါးဖွင့်လုပ်ရမယ်ဆိုလည်းဖွင့်ပေါ့။ ဒါပေမဲ့ တိုးတိုးသက်သာတော့
ပြောကြပေါ့ပြောပါတယ်။ အဲ့ဒီအခါကျတော့ ဒေါသကြီးနေတဲ့လူကြီးက Please apologise me
and just forget it ဆိုပဲ။
နောက်နေ့ တွေမှာလည်းအဲ့ဒီအခန်းကဆူမြဲပါပဲ။

အဲ့ဒီနေ့ က ကျမစိတ်ပျက်မိပါတယ်။ ကျမငယ်ငယ်ကသိထားတဲ့ စကားတိုးတိုးပြောရမယ်။
စကားအော်ကျယ်ပြောတာရှက်စရာကောင်းကြောင်း (အထူးသဖြင့်မိန်းကလေးတွေ)၊
ခေါ်ကျယ်၊ပြောကျယ်၊ရယ်ချေကျယ်၊သန်းကျယ် ကျယ်ငါးအပယ်သားဆိုတာတွေ ဘယ်လို
ဖြစ်ကုန်ပြီလဲ။ မိမိကြောင့်ဘေးပတ်ဝန်းကျင်ကို အနှောက်အယှက်မဖြစ်စေနဲ့ ဆိုတဲ့ ဆုံးမ
မှုတွေဘယ်မှာလဲ။ ပိုစိတ်မကောင်းဖြစ်ရတာက ကျမသိထားတဲ့ အဆုံးအမတွေနဲ့ 
ဆန့် ကျင်ဘက်ပြောနေတဲ့သူက လူကြီးအရွယ်။ သူ့ ဝန်ထမ်းတွေဆူညံနေရင်တောင် သူက
ဆုံးမရမဲ့သူ။ အခုတော့ဒီလိုလူကြီးက မဆုံးမတဲ့အပြင် ငါလုပ်ချင်တာလုပ်မယ်၊ ဆူချင်သလို
ဆူမယ်။ဒါဟာ မြန်မာ့ယဉ်ကျေးမှုဆိုပဲ။





မြန်မာ့ယဉ်ကျေးမှုအရ အမှိုက်မပြစ်ရတဲ့နေရာမှာ သူတို့ ချထားတဲ့ပစ္စည်းတွေ ကိုတွေ့ တော့
သြော် သူ တို့ မှာ ...... ....... မရှိဘူးဆိုတာသိလိုက်ရပါတယ်။

အဲ့ဒီနေ့ ကအကြောင်းကို ကျမ လူတွေနဲ့ တွေ့ တိုင်းပြောပြမိတယ်။ မြန်မာ့ယဉ်ကျေးမှုကိုဆွေး
နွေးမိတယ်။ ကိုသောမတ်စ်ကိုတော့ ကျမသိပြီးသူ့ ကိုသင်ထားတာနဲ့ တခြားစီဖြစ်နေတဲ့
မြန်မာ့ယဉ်ကျေးမှုအကြောင်းကိုရှင်းပြမိတယ်။

Tuesday 13 September 2011

ရန်ကုန်မှဓမ္မမိတ်ဆွေများ

ကျမရဲ့ မိတ်ဆွေတယောက်ဆီက တဆင့် ရန်ကုန်မှာရောက်နေတဲ့ ဂျာမန်
ဗုဒ္ဓဘာသာဘုန်းကြီးတစ်ပါးအကြောင်းကိုသိရပါတယ်။ အရှင် Hiridhammo ပါ။
ဥုးဇင်းက ကိုသောမတ်စ် တက်ခဲ့တဲ့ ထေရ၀ါဒ ဗုဒ္ဓတက္ကသိုလ်မှာ ကျောင်း
တက်နေတာပါ။ ဒါနဲ့ ကျမတို့ လည်း ဥုးဇင်းဆီသွားရောက်ခဲ့ပါတယ်။
နောက်နေ့ ကျတော့ ကျမ Emailထဲမှာ ကိုAustin Thet win က သူ့ အသိ
ဂျာမန်ဘုန်းကြီးရှိကြောင်းသွားလည်ဖို့  နှိုးဆော်စာရပါတယ်။ ကျမတို့ က သွားတွေ
့ပြီးကြောင်းနဲ့ ဆွမ်းပင့်ထားကြောင်းစာပြန်လိုက်ပါတယ်။


ဆွမ်းပင့်ထားတဲ့နေ့ ကတော့ တကယ်ကြည်နူးစရာပါ။ ကိုသောမတ်စ်ရဲ့  ဂျာမန် ဧည့်
လမ်းညွှန်မိတ်ဆွေများနဲ့  ရန်ကုန်မှာရှိနေတဲ့ ကျမတို့ မိတ်ဆွေ ဂျာမန်အမျိုးသမီးတယောက်
(မခိုင်)ကိုလည်းဖိတ်ထားပါတယ်။ မခိုင်က လည်းအဲ့ဒီ ဗုဒ္ဓတက္ကသိုလ်ကျောင်းထွက်ပါ။
မြန်မာပြည်မှာနေတာကြာတော့ ဥုးဇင်းကိုအများကြီးရှင်ပြနိုင်ပါတယ်။


ကျမကတော့ သက်သတ်လွတ်ဟင်းများပြင်ဆင်ထားပြီး၊ မုန်လာဥချဉ်ရည်ဟင်း
ချက်ထားပါတယ်။ ကျန်တဲ့ သူငယ်ချင်းတွေက တစ်ယောက်တစ်မျိုးယူလာကြတာ
ဟင်းတွေကိုစုံနေရော။ အချိုပွဲကလည်းကိတ်မုန့် တွေ၊ အသီးတွေစုံလို့ ပါပဲ။


ဥုးဇင်းလည်းဂျာမန်စကားပြော မြန်မာတွေကိုအစုတဝေးတွေ့ လိုက်ရလို့ ဝမ်းသာ
အံ့သြနေပါတယ်။ ကျမတို့ ကလည်း ဥုးဇင်းဆီကသိချင်တာတွေမေးကြ၊ဥုးဇင်း
ကလည်း သူသိချင်တာတွေမေးနဲ့ ... ... ...ဒါနဲ့  ကိုAustin Thet win ရဲ့  Email
အကြောင်းပြောပြတော့ ကမ္ဘာလေးဟာအလွန်ကျဉ်းကြောင်းပြောဖြစ်ပါတယ်။
ကိုAustin Thet win ဟာဥုးဇင်းရဲ့ ဒါယိကာ ဖြစ်နေလို့ ပါပဲ။


ဆွမ်းစားပြီးတော့ ကျမတို့ တွေစားကြပါတယ်။နောက်တော့ မေတ္တာသုတ်ကို
ဂျာမန်ဘာသာနဲ့ ဟောပါတယ်။ ပြီးတော့ရေစက်ချ၊အမျှဝေကြပါတယ်။
တကယ့်ကို ကြည်နူးစရာနေ့ တစ်နေ့ ပါ။


နောက်တစ်ပါးကတော့ ကိုသောမတ်စ် ဗုဒ္ဓဂါယာမှာသိလာတဲ့ သီလရှင်ဆရာလေးပါ။
ဆရာလေးတို့ က ကျမတို့ နားမှာကျောင်းတတ်နေကြလို့ အိမ်ကို မကြာခဏ
ရောက်ပါတယ်။ ဆရာလေးတို့ လာရင် ပဌာန်း ရွတ်ပေးပါတယ်။ တကယ့်ကို
စိတ်ကြည်နူးရပါတယ်။ ဆရာလေးတို့ ရဲ့ ကျောင်းကိုလည်းကျမတို့ သွားလည်ကြပါ
သေးတယ်။

တခါတတော့ ကိုသောမတ်စ် ဗုဒ္ဓဂါယာမှာသိလာတဲ့ မိတ်ဆွေအိမ်က ပဌာန်းပွဲပါ။
ပဌာန်းပွဲကို၅ရက်ကျင်းပပါတယ်။ ဆရာတော်အပါအ၀င် ရဟန်းသံဃာ ၁၄ ပါး
ရွတ်ဖတ်ကြပါတယ်။ ထို ပဌာန်းပွဲကိုလည်း မိတ်ဆွေမိသားစုရဲ့ ဖိတ်ကြားမှုကြောင့်
သွားရောက်နာယူခွင့်ရခဲ့ပါတယ်။ ဆွမ်းကပ်တာကိုလည်းကြည်နူးစွာ ကုသိုလ်ယူ
ခဲ့ရပါတယ်။

တနင်္ဂနွေတစ်မနက်မှာတော့ ကျမတို့  IMC တရားရိပ်သာကိုရောက်ဖြစ်ပါတယ်။
အမေ့ကိုပါခေါ်သွားပြီး စုပေါင်းတရားထိုင်ကြပါတယ်။ အမေလည်းသူ့ ရဲ့ ဓမ္မမိတ်ဆွေ
တွေပြန်တွေ့ ရလို့ ဝမ်းသာနေပါတယ်။

နောက်တယောက်ကတော့ ကျမငယ်ငယ်က တရားဓမ္မနဲ့ ရင်းနှီးလာအောင်လုပ်ပေးခဲ့
တဲ့ ဆရာ ဦးသစ်ဆန်းလွင်ပါ။ ကျမနဲ့  ကိုသောမတ်စ် ဆရာဆီသွာပြီး ကန်တော့ခဲ့ပါတယ်။
ကျမ ၃တန်းကနေ ၉တန်းအထိ လိမ္မာယဉ်ကျေးအောင်သင်ကြားပေးခဲ့တဲ့ဆရာပါ။
ကျမ ၁၀တန်းအောင်ပြီးတော့ ဆရာ့ရဲ့ အဆုံးအမတွေနဲ့ အခိုက်အတန့် ဝေးနေခဲ့ပါတယ်။
အိမ်ထောင်ကျပြီးတော့မှ ဆရာသင်ပေးခဲ့တဲ့ စာတွေဟာ အဖိုးတန်လာခဲ့ပါတယ်။
ကိုသောမတ်စ်ကလည်း သူဟာ တရားထိုင်၊သီလဆောက်တည် တာသာရှိခဲ့ပြီး
ကျမကြောင့် ဗုဒ္ဓဘာသာဝင်တစ်ယောက်ရဲ့  နေထိုင် ကျင်ကြံရမဲ့ စာရိတ္တသီလကို
ပိုပြီးသိရှိနားလည်လာကြောင်း ဆရာ့ကိုပြောပြပါတယ်။ ဒါကြောင့် သူကလည်း
ဆရာ့ရဲ့  အဆုံးအမကို သွယ်ဝိုက်ပြီးရတဲ့အတွက်ကျေးဇူးတင်ကြောင်းပြောပြပါတယ်။


ဆရာကလည်း ကျမတို့ ကို အဖိုးတန်စကားများ လက်ဆောင်ပေးလိုက်ပါတယ်။
စာရိတ္တပညာ အလိမ္မာဝတ်ရွတ်စဉ် စာအုပ်အသစ်လေးကိုလည်း လက်ဆောင်
ပေးလိုက်ပါတယ်။ ကိုသောမတ်စ်က သူ့ ကို ဘာသာပြန်ပေးဖို့  ပြောထားပါတယ်။

ရန်ကုန်မှာရှိနေချိန် အခုလို ကုသိုလ်လေးတွေလုပ်ခွင့်ရတာ တကယ်ဝမ်းသာရပါတယ်။
ဂျာမနီမှာဒီလိုသံဃာတော်ဖူးခွင့်၊ဆွမ်းကပ်ခွင့်၊ပဌာန်းတရားနာခွင့်ရဖို့ ဆိုတာမလွယ်ပါဘူး။
အခုလို ကောင်းမှုတွေလုပ်ခွင့်ရအောင် အစစ စီစဉ် ဆောင်ရွက်ပေးတဲ့ ကိုသောမတ်စ်နဲ့ 
မိတ်ဆွေများကို အထူးကျေးဇူးတင်ပါတယ်ရှင်။

Sunday 11 September 2011

အမေ...


အမေ နေကောင်းနေတာတွေ့ ရလို့ ဝမ်းသာရပါတယ်။ အသက်ကြီးလာတော့
သတိတွေ ပိုပြီး မေ့တတ်လာတယ်။ ကျမရောက်တော့ သူ့ ကိုကျမတို့ နေတဲ့
အိမ်မှာခေါ်ထားပါတယ်။ နေရာအသစ်မှာ အသားကျဖို့ အမေ့မှာ ၂ရက်လောက်
အချိန်ယူရတယ်။ ညညထရင် သူဘယ်ရောက်နေမှန်းမသိရှာဘူး။ တခါတလေ
သူနဲ့ နေနေတဲ့ ကလေးတွေကိုရှာတတ်တယ်။ ၃ရက်လောက်ကြာတော့မှ အသား
ကျသွားတယ်။
ကိုသောမတ်စ် ကအမေ့ကို ဂရုစိုက်တယ်။ အမေကလည်း သူ့ ကိုတော်တော်လေး
ခင်ပါတယ်။ သူတို့ နှစ်ယောက်အဆင်ပြေကြတော့ကျမလည်း ပျော်တာပေါ့။
ဒီတခေါက်တော့ အမေ့ကို ဘုရားတွေ၊ဘုန်းကြီးကျောင်းတွေတော်တော်လေး
လိုက်ပို့ ပေးဖြစ်ပါတယ်။ အမေကိုတွဲခေါ်ဖို့ လိုတာ ကြောင့် ကိုသောမတ်စ် ပါတော့
ကျမနဲ့ အမေအတွက် အပြင်သွားရတာပိုအဆင်ပြေသွားတာ။


ကျမကတော့ အမေစားချင်တာတွေချက်ပေးတယ်။ အမေ့သွားတွေက စိုက်ထား
တာဆိုတော့ အသားမာရင်၊ အရွက်ကြော်မာရင်မစားနိုင်ရှာဘူးလေ။ ဒီတော့
နေ့ တိုင်းနီးပါး ငါး၊ပုဇွန်၊ပဲပြား၊အာလူး၊ခေါက်ဆွဲစတဲ့ အမေလည်းကြိုက်၊ ပျော့ပျော့
ပျောင်းပျောင်းလည်းရှိတဲ့ဟင်းတွေပဲချက်ဖြစ်ပါတယ်။

အမေက(၇၉)နှစ်ရှိပြီ။ သူ့ ဆံပင်တွေကသန်တုန်းပဲ။ အမြဲတမ်းဆံထုံး ထုံးတုန်းပဲ။
တိုတိုညှပ်ဖို့ ပြောတော့ ကျမစိတ်ကျေနပ်အောင် နဲနဲတိခွင့်ပေးရှာတယ်။

အမေကငယ်ငယ်တုန်းကဆိုရင် လက်ဖက်ရည်ဆိုင်ထိုင်ရတာကြိုက်တယ်လေ။
ကျမကတော့ထိုင်လေ့မရှိဘူး။ အခုတော့ ကိုသောမတ်စ် နဲ့ နေ့ လည်ဆို လက်ဖက်ရည်
ဆိုင်သွားထိုင်ကြတယ်။ ကိုသောမတ်စ်ကလည်းစိတ်ရှည်လက်ရှည်နဲ့ အမေ့ကို
ခေါ်သွားတယ်။ လက်ဖက်ရည်ဆိုင်ကပြန်လာရင် အမေ့မျက်နှာကပြုံးနေရော။

ကျမတို့ အပြင်သွားရင်အမေ့ကိုခေါ်သွားလို့ ရတဲ့နေရာဆိုရင်ခေါ်သွားလေ့ရှိပါတယ်။
တချို့ နေရာတွေကြတော့ ခေါ်လို့ မဖြစ်ပြန်ဘူး။ သွားလည်ရမဲ့နေရာက ၄ထပ်၊၅ထပ်
တို ၊့ ဟိုနားဒီနားဈေးဝယ်သွားတာတို့ ဆိုရင်အိမ်မှာ အမေ့ကို တယောက်ထဲထားခဲ့ရတယ်။
အမေက နေ့ ခင်းပိုင်းဆိုတယောက်ထဲနေခဲ့ရတာအဆင်ပြေပေမဲ့ ညနေစောင်းဆိုရင်
ကြောက်တတ်တယ်။ ကျမတို့ ပြန်မလာရင်စိတ်ပူတတ်တယ်။ သူ့ ကိုဘယ်သွားမယ်လို့ 
ပြောခဲ့ပေမဲ့ မေ့သွားတတ်တယ်။ ဒီတော့ ဘယ်သွားမယ်ဆိုတာစာရေးထားခဲ့ရတယ်။
ကျမတို့ ပြန်လာတိုင်းသူပြောလေ့ရှိတာက နင်တို့ ဘယ်တုန်းကထွက်သွားတာလဲ၊
ငါအိပ်ပျော်နေလို့ မသိလိုက်ဘူးတဲ့။ တကယ်တော့သူမေ့သွားတာပါ။
အမေကပြောတယ် တခါတခါ အိပ်ပျော်သွားသလိုပဲ အကြောင်းအရာတွေကို မသိလိုက်
တော့ဘူးတဲ့။

ညနေစောင်းသွားစရာရှိရင် ကျမနဲ့ ကိုသောမတ်စ် တလှည့်ဆီထွက်ရတယ်။ ကျမနောက်
ကျရင်အမေက ကိုသောမတ်စ်ကို ကျမကိုသွားရှာ ခိုင်းလေ့ရှိတယ်။
ကျမလည်း အပြင်ရောက်တာနဲ့ အိမ်ပဲပြန်ဖို့ စိတ်စောနေတာပဲ။ အကြောင်းသိကြတဲ့
သူငယ်ချင်းတွေက ကျမကိုလာတွေ့ ကြတယ်။ သူတို့ ကိုကျမတကယ်ကျေးဇူးတင်မိပါတယ်။
ကျမကို မအားတဲ့ကြားက အချိန်ပေးပြီးလာတွေ့ လို့ ပါ။

ကိုသောမတ်စ်က ၄ရက်စောပြီး ဘန်ကောက်ကိုသွားပါတယ်။ အမေ့မှာ ကိုသောမတ်စ်
ပျောက်သွားလို့ လိုက်ရှာနေရှာတယ်။ ၂ရက်လောက်ကြာမှာ သူမှတ်မိသွားတယ်။
အခုကျမပြန်လာတော့လည်းသူကျမကိုရှာနေမှာ။

ကိုသောမတ်စ် ပြန်သွားပြီး ကျမတို့ အိမ်က ဓါတ်လှေကားတစ်စီးကပျက်ပါတယ်။
တပတ်လောက်ကြာမယ်ဆိုတာနဲ့ အမေ့ကို သူ့ အိမ်ကိုပြန်ပို့ ဖို့ စီစဉ်ရပါတယ်။
အမေ့ကိုပြန်ပို့ ပြီး ကျမရဲ့ အိမ်ကိုပြန်တော့ အမေက ကျမကိုစိတ်ပူနေရှာတယ်။
ကျမတယောက်ထဲအိပ်လို့ ဖြစ်ပါ့မလားပေါ့။
သူ့ ကိုကျမဆီပြန်ပို့ ပေးပို့ ပြောနေရှာတယ်။ ဓါတ်လှေကားက ညနေကျတော့
ပြန်ကောင်းလာတာနဲ့ ကျမလည်းအမေ့ကိုပြေးသွားခေါ်လိုက်တယ်။ အမေကလေ
ကျမသူ့ ကိုလာခေါ်တော့ပျော်နေလိုက်တာ။ သူခမျာကျမရှိနေချိန်မှာ ကျမအနားမှာ
အချိန်ပြည့်နေချင်တာတဲ့။ ကျမစိတ်မကောင်းဖြစ်ရပါတယ်။

ကျမပြန်လာတော့ သြော် တစ်နှစ်တော့ပြီးသွားပြန်ပြီလို့ အမေကပြောရှာတယ်။
လာမယ်ဆိုရင်ပျော်ရသလို ပြန်မယ်ဆိုတော့လည်းစိတ်မကောင်းဘူးတဲ့။
ကျမလည်းအမေ့ကို အဝေးမှာထားခဲ့ရလို့ စိတ်မကောင်းဖြစ်ရပါတယ်။ ဂျာမနီရောက်လို့ 
ဖုန်းဆက်တော့ အမေ့အိမ်ကဖုန်းကပျက်နေလို့ ခေါ်မရပြန်ဘူး။ အဒေါ်ဆီဖုန်းဆက်ပြီး
ကျမကောင်းမွန်စွာရောက်ကြောင်းသတင်းပေးခိုင်းလိုက်ရပါတယ်။
အမေ ကျန်းမာပါစေ။

အမေ့ဆီက အပြန်

မနေ့ ည ကရန်ကုန်ကပြန်ရောက်ပါတယ်။ ရန်ကုန်မှာ ရှိနေချိန်အတွင်းမှာ
အစစ ကူညီ ကြတဲ့မိတ်ဆွေသူငယ်ချင်းများ၊ မအားတဲ့ကြားက အချိန်ပေးပြီး
လာလည်ကြတဲ့မိတ်ဆွေ၊သူငယ်ချင်းများ အားလုံးကို အထူးကျေးဇူးတင်
ပါတယ်။ ပျော်ရွင်စရာရက်တွေ ကို အမှတ်ရနေမှာပါ။
နောက်နေ့ မှပဲ ကြုံခဲ့ တာလေးတွေရေးတော့မယ်နော်။

ဘလော့ သူငယ်ချင်းများကိုလည်း သတိရနေမိပါတယ်။